كم عمر استهلاك القماشات أكورد موديل 2013 ؟

عمر القماشات يعتمد على السائق ، نصاب اللي يقول عمرها كذا وكذا ( ب التوقيت )
بعضهم بين رجله ودواسة الفرامل ( اكرمكم الله ) علاقه حب ،هذا تحصله كل سته شهور او اقل يغير فحمات
اما اللي رجله هاديه ع الفرامل ويعرف متى يفرمل ومتى يهدي هذا بتطول ماه بأذن الله

# ملاحظه : شراء الفحمات من الوكاله افضل ب مليون مره من التجاريه اللي بمحلات الغيار


ب التوفيق لك

شكراً ع الرد اخوي , لكن وش رأيك بالرجة الخفيفة ؟ هل مسح الهوب أم خرطه ؟

شوف إذا ما انمسح نفس القماش ووصل للهوب الحديد وأحتك في بعض لا تخرط أبداً

يعني إذا كانت باقي لها عمر القماشات لا تخرط الهوب

وعلى فكره وقت تغيير القماشات غير صحيح مالها وقت معين أو ممشى معين على حسب الأستخدام

مشيت على سيارة لي حوالي 65 الف كيلو  نصها سفريات

وغيرت قطعة في السيارة وفك الجنط قلت فرصه سألت المهندس عن القماشات قالي باقي نص عمر

يعني على حسب الإستخدام ياطويل العمر

لا تقرب الهوب ،، غير فقط الاقمشة وخف رجلك ع الفرامل عشان تعيش معك فترة اطول

اذا الهوب غير مستوي بمعنى فيه تعرجات محسوسة باليد اخرط الهوب
مافيه لاتخرط

الرجة احيان يكون سببه الهوب به تعرجات واحيان الفحمات نفسها واحيان الاثنين

انا كنت اعاني من الرجة والسيارة ماشية 30 الف
غيرت الفحمات على ممشى 80 الف كانت الخلفية منتهية اما الامامية فيه اكثر من الثلث
غيرت فحمات سيراميك مع خرط الهوبات وراحت الرجة 

السيارة اكورد 2012

رجعه سو لها ترصيص كفرات  وانتبه من سرعه 

للرجة عدة اسباب أخي ..
احياناً الفرامل المنتهية تسوي رجة لذلك عليك بالخطوات التالية:
1- غير الفرامل فقط ، ثم جرب راحت الرجة و لا لا
2- اخرب الهوبات ، ثم جرب 
3- سوي وزنية للكفرات مع ترصيص ، ثم جرب ،
3- رح افحص مجموعة أذرع الدريكسون ، غير القطع المطلوبة ، ثم جرب
المفروض تنتهي معك الرجة
و الله يوفقك +1

*2- اخرط ، السموحة على الخطأ

ياخي تحس بعض الاحيان إن الفحمات تنحرق حرق مع جونا مادري من الجوده أو إستخدامنا لهاا

أشكركم جميعاً ع الردود ..

تصدق يافيصل مثلك انا 2013 وماشيه تقريبا 45 الف ولما اظغط فرامل رجة بالدركسون خفيفه !!