اكورد 2014

بلا صيانة وكالة وبلا هـم ، كان معي أكورد لمدة خمس سنوات وبدون أي خراب ، آخر مرة شفت فيها لوحة الوكالة يوم طلعت السيارة من عندهم.

^ أنصحك تسحب عليهم، وتسوي الصيانة برا
وفقك الله

هم قالوا لك فيه تشييك بعد الالف ؟؟؟ خبري التشييك الحين اغلب الوكالات صار على 5000 يمكن الهوندا وضعها يختلف مدري لكن نسبة كبيرة انه بيغير لك زيت وسيفون وش بيسوي يعني الموتر جديد

يغرون الزيت لين الزيت خفيف يشيكون على الموتر اذا فيه مشاكل نقص سوال يشوف ضغط الهواء
نصيحتي اذا تبي تسحب عليهم خلها بعد صيانه 10 الاف سوها عندهم واسحب عليهم مثلي طبعا صيانه 5000 قيمتها 175 و 10000 565 يقولك نبي نفحص الموتر ونظف الفرامل ونغير الزيت قله سولي زي صيانه 5000 175 ريال وبعدها اقرب بترومين غير عنده خذ لزوجه الزيت قبل لاتسحب

ومبروك يعطيك خيرها ويكفيك شرها

بالنسبة لوكالة هوندا تشييك 1000 كيلو مجاني تغيير زيت مع سيفون وبعدها كل شيء بحسابه
ممكن تروح لهم لانها مجانية بعدها اسحب عليهم غير زيت وسيفون فقط عند اي مركز خدمة

لازم تروح للوكالة دامها اول الف كيلو 

لأنها مهمة وتشييك على كامل السيارة من عيوب مصنعية وغيرها 

ولا ترجع لهم إلا للصيانات المهمة مثل تغيير زيت القير ( إلا اذا انت مقتدر مالياً فالأمر راجع لك )

البعض كل 5 آلاف يروح للوكالة وياخذون منه مبلغ وقدره

وهي مجرد زيت وفلتر واشياء بسيطة بإمكانك تسويها عند اقرب بنشر وتوفر عشرات الريالات 

ترا السيارة الجديدة ما فيها الا العافية وما تحتاج الوكالة إلا للضرورة فقط 

والضمان ما له علاقة بالصيانة نهاااااائياً عند جميع الشركات ووكلائها

الضمان ضد العيوب المصنعية يتم تغيير القطع في هذه الحالة بالمجان 

اما الصيانة فهي من قبل الوكيل وللعميل الخيار في صيانة سيارته بالوكالة او خارج الوكالة( بإستثناء عروض الصيانة المجانية لمسافة محددة )

اذا قالت لك الوكالة لازم تنتظم بالصيانة ولا بيروح عليك الضمان علطوال قدم شكوى لوزارة التجارة 

طريقة اتبعها عند تغيير زيت السيارة كل 5 آلاف : 

1 - تغيير زيت وفلتر المحرك .
2 - تنظيف فلاتر المكيف والهواء ( تحتاج للتغيير في الغالب كل 25 ألف ) .
3 - تشييك على سوائل السيارة واطاراتها .
4 - غسيل السيارة ( اغسل السيارة كل 5 آلاف بإستثناء اوقات المناسبات فلابد من غسل السيارة ) .

ابو مباك الله يسلمك
بالنسبة لتغيير فلتر المكيف ما اعتقد له علاقة بممشى السيارة..يتغير عند ضعف الهواء وضعف التبريد
والتنظيف ايضا اذا صار الهواء قليل
تقبل مروري

تشييك عام للسيارة كفرات والاضاءات ومستوى الزيت والماء .. فقط تشييك 

المعذرة كنت اقصد فلتر الهواء 

اليوم كنت عندهم وفجأة ارتفعت الأسعار
صيانة ٥٠٠٠ سويتها اليوم وب ١٩٥ ريال

جزاكم الله خير جميعا على الردود

اوما ارتفعت !!!!!!!!!

أي والله كانت ب ١٧٥ وصارت ١٩٥ صيانة الخمسة

طيب ممكن تفيدنا وش سوو لما شيكو صلحولك شي ولا تفرجو على سيارتك وعطوك اياها 
الموضوع قديم بس اتمنى تفيدنا اخوي