اكوورد 2009 وش رايكم وانصحوني بسلبياته يا اخوان

انا بتكلم على اللي اعرفه وهو 4سلندر ماشاء الله سيارة قويه وصبوره وبخصوص قطع الغيار صح غالي بس فيه ميزه حط وانسى

سيارة ممتازة جدا ولكن إفحصها جيدا

اول شي غريبه كيف ٦ سلندر بدون فتحه
بحكم تجربتي بالاكورد وكذلك اخوي معاه اكورد
انا الي معاي ٢٠٠٨ لها معاي ٤ سنوات او اكثر شوي ولله الحمد ماغيرت فيها غير فحمات مرتين
بصراحه هي افضل سياره استخدمتها من ناحية قوه وتحمل ورساوه على الخط
وترا هذي يقولون ابلشونا فيها العالم الي يقولك قطعها غاليه قل ورني السياره الي موديلها ٢٠٠٩ رخيصه
الاكورد قطعها مره عاديه مثل باقي السيارات تزود بحدود ٤٠ ريال عن قطع الكامري تقل او تنقص على حسب القطعه
وبعض قطع الاكورد ارخص من الكامري
طبعا. قارنتها بالكامري لان اغلب الناس يقولون تويوتا قطعها رخيصه
وافضل شي انك تسال محلات القطع

خذها ولا تفكر انا عندي ٢٠٠٦ ماغيرتلها الا القطع الاستهلاكيه من بواجي وكراسي مكينه وه الحاجات  مرره انصحك فيها وثاني شي اكشف قبل لاتشتري 

كان معي اكورد القطع اللي غيرتها فحمات اماميه وخلفية وسعرهن 250 ريال + زجاج امامي للسائق سعره وكالة 950 ريال وتلاقيه عند محلات الزجاج 100 ريال وسبب تغيير القزازة للسائق واحد كاسرها علشان يسرق الاستبنه جعل يدينه للكسر , اتوقع ان سعره جيد جدا وخاصة انك تحط القطعه وتنساها , حاليا معي افالون الفحمات الخلفيه 270 ريال فحمات امامية 350 + رمانة الكفر 250 !!! + رديتر 1950 , ونت قارن بينهن , انا برائي خذها وتوكل ومبرووك مقدماً

واللي يقولك انه مو موجود الا بالوكالة هذا اكبرر فقاش ..

مشكووووووووورين يا اخوان وسمعت عن الأكوورد سواليف عن العزل وما ادري سنو شنو مشكلة العزل هذي الي يحكون عنها وما قصرتم ولا هنتم ويريد الرجال 47000 وش رايكم بالسعر ترى ما ادري عن اسعارها وبعدين ما فيها لافتحة ولا جنوط ولا مسكات نيكل يعني يمكن ستاندر وهذا السعر معقول والا غالي والسلام 

اذا على كلامك فسياره ستاندر ٤ سرندل 
وهذا سعرها بسوق

وعليكم السلام ورحمة الله وبركاته ،،، أكورد و 6 سلندر ؟ وش خليت ,,, أخوي إذا السيارة نظيفة لا تطيرها من يدك ,,, إذا 4 سلندر ممتازة ,,, كيف بالـ 6 ,,, ومبروك لك مقدماً

بكره تعيش معها قصة حب

معي اكورد 2011 4 سلندر ستاندر سيارة العمل بصراحة ممشا ورساوة علي كيف كيفك عيبها مراتبها قاسية تنمير القير مب عاجبني يعني تعشيق القير وتنميراته مب عاجبني تحس قاسية شوي غيرة كذا اخذ موتر