غرامة 50 الف ريال لمن يضرب زوجته
11
23
إضغط هنا للإخفاء
السلام عليكم ورحمة الله وبركاته وبعد
قريت في عدة اخبار عن الغرامة اللي نزلوها قريب ادري ان الموضوع مو وقته ولا مكانه هنا بس صراحة جذبني هاذا الخبر بما اني الحمدلله توني تزوجت والحمدلله وكملت نص ديني بس ماتحسون ان جماعتنا الله يهديهم شافوا شيء غلط الواحد يسويه او شافوا ازدياد في حالات خطيرة او تشكل مشكله لمجتمعنا حلوها بالغرامات والفلوس يعني الواحد يالله قدر يدفع مهر زواجه ويتسلف ويتمرمط وتروح روحه لجل يتزوج مثلي والله العظيم خسران 120 الف ريال لجل اتزوج وكلها ديون من البنوك وبنك التسليف ونصف راتبي يعلم الله كلها ديون من غير ايجار البيت ومستلزمات البيت والزوجه يعني مافي حل ياحكومتنا الرشيده غير انكم تأخذون من الواحد فلوس اذا غلط يعني يوم شافوا كثرت الوفيات من الحوادث الله يكفينا ويكفيكم شر الحوادث قالوا خلي نحط ساهر واللي يسرع يدفع فلوس طيب مافي حل ثاني ترى والله العظيم امورنا الماديه صعبة وترى الشعب والله اكثرهم يجي قبل الراتب بأسبوعين او كثر ماعنده فلس تلقاه يتسلف من البقاله ومن فلان سلف لاخر الشهر يعني يكفي اللي فينا تجون تحطون غرامات ياخي خلي يحطون تعهدات على المخطي او انذار لو سوى شي غلط بعدين وقفوهم حطوا برامج تنصحوهم فيها بالامور الخاطئة شوفوا حالنا باقي تبهذلونا اكثر من اللي احنا فيه كل ماشافوا شي غلط او بدأ ينتشر يقولون مالها الا غرامه تحل الموضوع يعني لو فرضا ضربت زوجتني لا سمح الله والله لايقولها رغم اني والحمدلله ماني الناس اللي يحط حرته على امراءة ضعيفه بس افترض اني ضربتها اروح اتسلف واتشحت عشان اعطيكم 50 الف انا يالله لقيت لي لقمة عيش لي ولا زوجتي بس فرضا دبرت الخمسين الف وعطيتهم برجع لزوجتي مبسوط والله لأكرها اكثر ويمكن توصل للطلاق خلاصة الموضوع شوفوا حل غير الغرامات لأن الشعب والله معظمهم جيااااااااااااع طفراااااااانين
اسف على الاطاله واهم شي طلعتلكم اللي في قلبي والسلام خير ختام
إبلاغ
الردود
الله يصلح الحال
1
2
4
2
والشكاوي كثرة بسبب هالموضوع ....... واللي يضرب حرمه علمه ماهو طيب
ثاني شي اكبر غلط ان الوضع هذا يكون فيه غرامات او فلوس ، راح تصير مشاكل اكثر من اول
وانتوا عارفين الحريم وش وضعهم اذا افترت عليك تجيب فيك الطامه راح تزيد الشكاوي
للي ماتبي زوجها واللي طابت نفسها منه ولا تبيه وتبي الفكه منه راح تفتري عليه وتقول ضربني
وسوا وفعل عشان الزوج يتوهق ويحكها غرامه ....... وهذي مهي بعيده اصبروا لها ...
ادري ماراح يكون فيه تحقيق بالموضوع لان الحرمه مصدقه والرجال بياكلها بلحيته بحق او بغير حق
هذي مثل سالفة الجوازات لمن الواحد يسافر تحت سن الـ 21 سنه تجي رساله لابوه على جواله
والبنت او الحرمه نفس الشي للمتزوجه رساله على جوال زوجها والبنت على جوال ابوها
من بعدها بدينا نسمع مشاكل وخلافات وكثر الطلاق وفيه اولياء امور جتهم رساله وراحوا
جوازات جسر الملك فهد وسووا مشاكل مع الضباط والافراد وليش تخلون بنتي تروح وليش وليش وليش الخ
مشاكل صارت الله اعلم فيها لاتعد ولاتحصى ... والان لا رساله ولا حس ولاخبر .. اللي يبي يطلع بكيفه
لارسائل ولامشاكل ........... وانلغت وراح يصير نفس الشي .
6
3
2
5
المهم مناقره هي وياه ف السياره المره عيت لا تسكت اصمقت راسي ورجالها ساكت وهي ارتفع ضغطها
وتكلم عليه وانا اقول في نفسي وش عنده الرخمه ما يرد عليها
ف الاخير رد عليها بكم كلمه بصوت عالي والنهايه قامت تبكي الين وصلنا مشوارهم
من كلمتين بكت اجل لو انه مد ايده عليها اتوقع انها بتموت
الزبده المره عاملها معالمت الطفل من يطاوعه قلبه يضرب صغير ما بيده حيله
احب مرتي الي مدري منهي للحين الله يرزقني بنت حلال طايعه ويرزقكم معي
15
2
2
3
هذا اصلا مافيه خير .. تخيل تجيك اختك واثار الضرب عليها وتقول زوجي ضربني
بتروح تلعن والديه اكيد ..
بنات الناس موب لعبه بايدينهم
6
0
5
0
علشان مايكون الوضع لعبه عند الحريم اذا بغت تنتقم من الزوج تتبلى عليه في الشرطه انه يضربها
0
0
اي واحد يضرب مرته لأي سبب حقدت وراحت تشتكي عليه هذه مصيبه فيها خراب بيوت وهم فتحوا باب
للحريم وعادة المرأه يغلب عليها العاطفه .. البارح يناقش داوود الشريان موضوع اغلاق المحلات الساعه9
بالليل انا مدري وش دخل صلاة العشاء بهالموضوع؟ يقول نأخر الصلاه وبعدين يقول نلغي الصلاه مدري
قناة ام بي سي وين بتوصل؟ يعني حبه حبه الين ماتنلغي الصلاه ويكفي تمييع الشريعه الاسلاميه فيما
يتناسب مع حضارة الغرب .. انا مانيب ضد اخذ بعض من حضارة الغرب ونظامهم لكن تحت ضوابط شرعيه
ماهوب زي ماتروج له قناة الصهاينه الام بي سي العلمانيه يريدوننا ان نقتدي بهم في كل شيء !! وهذا
محال بأذن الله ..
2
0
1
3
اذا زعلتك والحق معك اتركها كم يوم ولا تكلمها وانتبه كل الانتباه انك تجيب سيره لاحد لا من قريب او بعيد
مع القيام بكامل واجبك نحو بيتك يعني (اولادك مالهم ذنب .واحتياجات البيت من غذاء ودواء) وعليك بالدعاء لله ان يصلحها
((ونصيحة))
خل في جيبك محاية والكلمة اللي ماتعجبك امحاها ومهما بلغ من الامر شيء أوكله الى الله والله مايخيب من رجاه
وتقدر ترد عليها بردود حلوة عن طريق (رسائل كتابية) يعني على ورق لاصق تلصقه على مرايه أو ثلاجة المطبخ- مثال (يعلم الله قدر محبتك في قلبي وان الامر((.........)) اللي حصل ازعجني كثيرا ولم اتوقع في يوم صدوره منك) ولاتكثر العتاب وأتِ بالصفات الحميدة
2
0
ان 50 الف تدفع >>>> لدووولة خخخخخخخخ
يعني الزوجة تتفقع .. والدولة تكسب
قمة المسخرة
انا قلتها لزوجتي كل ما أضطر امد يدي عليك . بمد يدي بطريقتي بروح اتزوج بها وانتي
خلي القانون ينفعك .
ههههههه الحريم بمجلس الشوري حتى لمن يصدرو شي لمصلحتهم . يجيبوه غلط
1
1
0
0
الله يخارجنا
قبل 10 سنه و 7 شهر