تعبئة السياره وهي شغاله

شوف ي خوي عبيتها وهي طافية طيب بعدين انا راح اشغلها ويهتز البنزين وش الفرق؟؟؟

ارامكو والبلديات تعلق لوحات في المحطات تقول اطفى المحرك
للحرص وللسلامه العامه فقط
لكن مافي دراسه او شي مؤكد يقول ان تعبئه البنزين والسياره في وضع التشغيل يضر




واذا تبي تحافظ على الطرمبه وتعيش معك اطول مده ممكنه في لها عده طرق 
والاكيد تعبئه البنزين والسياره تشتغل مو من ضمنها
في امان الله

اذا مسكت خط طويل خلها شغاله لكن داخل مدينه افضل تطفيها علشان ينزل بنزين ويطلع هواء 

عندك الكامري كامري 2014 الى 2014 اذا جيت تعبي لازم تطفي السياره عشان امبير البنزين يرتفع ويطلعلك النسبه الصحيحه اما السيارات اللي موديلاتها قديمه مافيه ضرر

عادي تعبي السيارة وهي شغالة
دايما كذا اعبي السيارة وهي شغالة والامبير مولع والحمد لله مافي مشاكل

اللي ابي اعرفه ليه البعض يعتقد العكس من وين اتاه هذا الاعتقاد ؟

احتمال تفلسع العوامة اذا السيارة تشتغل مع الوقت

ما أذكر إني طفيت السيارة عشان أعبي بنزين ، إلا أيام الددسن لأن الغطاء ما ينفتح إلا بالمفتاح :)

اللي اعرفه 
انه لو البنزين مو نظيف وتعبي والسياره شغاله بيسحب الاوساخ والرواسب داخل السياره لانه عند التعبئه تكون حتى الرواسب داخل الخزان تتحرك بسبب ضخ البنزين 
والله اعلم

يا اخوان يجب اطفاء المحرك لأحتمال التسبب بحريق نتيجة أبخرة البنزين. هذا هو السبب مو امبير العداد ومدري ايش

بالنسبه لي كنت اعبي بنزين والموتر شغال خربت علي العوامه وصارت ماتعطي القياس الصحيح للبنزين 

السياره  اللي كانت معي ماركيز 2002

كل عمرنا نعبي والموتر شغال ولا شفنا الا العافية

لاتصيرون موسوسين

فوائد اطفاء المحرك عند تعبئة البنزين :

1- اعطاء القراءه الصحيحه لمعدل الوقود 

2- عدم دخول الرواسب والاوساخ عند ضخ البنزين الى مجرى الوقود والتسبب بانسداد صفاية البنزين والبخاخات

وعليكم السلام ورحمة الله وبركاته
من تجربه شخصيه ضربت عوامة البنزين مرتين بسبب التعبئه والسياره شغاله ، وكلفني فك التانكي وتغير العوامه مرتين
اما الاضرار اللي ممكن تنتج من ترك المحرك شغال ( حسب رائي الشخصي وخبرتي ) كالتالي :
1 ضعف طرمبة البنزين بسبب تغير ضغط البنزين قبل فتح غطاء التانكي وبعده واندفاع البنزين الى الطرمبه بقوه وحصلت معي 
في الصابونه 93
2 ضعف الطرمبه بسبب تحرك الاوساخ المترسبه في التانكي مع القادمه من طرمبات المحطه وتراكمها في الطرمبه والفلتر
 وهذا يسبب جهد على الطرمبه ويقلل من عمرها الافتراضي
3 اتساخ البخاخات وهذا يسبب زياده في استهلاك البنزين ويرفع من حرارة المحرك بسبب كثرت الاحتراق الناتج عن زيادة 
استهلاك البنزين

انا اعبي و السيارة طافيه لاني اذا طفيت السيارة و فتحت غطا البنزين تسمع صوت  
الهواء طالع من التانكي وبعكس السيارة وهي شغاله ما يطلع. 

يعني السياره لما تمشي ما يختض تانكي البنزين ويحرك الاوساخ وتسحبها الطرمبه؟
ﻻ تصيرون موسوسين كل سياراتي اعبيها واهي شغاله نا ضرها شي

انا سيارتي كامري99استخدام امريكي اذى جيت اعبها وهي شغاله تطفي

اول شي اسعد الله صباحكم وشكرا علا مروركم   وياعزيزي مطلوب سياره اذا عبيت السياره بعدها بفتره بصيطه تتركز الاوساخ والاتربه اسفل التانكي وحتئ مع حركة السياره الكثيره ما تتوزع الاتربه والاوساخ في جميع التانكي لانها متجمعه كلها اسفل التانكي  
لذالك افضل شي ان الواحد يعبي سيارته وفيها ربع التانكي او اكثر شوي وشكرا