أضف سؤال أو موضوع جديد          

ضمان هوندا حقيقه او سراب

up 2 down 3
aboo norh 78
قبل 8 سنه و شهر



مرراحب يصبحكم بالخيرر

ي عيال مثل ماعلمتكم اني طقيت موتر مستعمل ههههههههه اكورد
المهم ي عيال الموتر فيه رفرف مسمكر و راعيه ماكان ملتزم بالصيانه ف الوكاله وصلح الصدمه برا الوكاله
عاد باقي ع الضمان وعندي الهوبات خربانه هل يشملني الضمان وياليت محد يجاوب الا وهو متاكد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الضمان يشمل سيارتك حتى لو انك ما رحت لهم من اول ما طلعت سيارتك

طبعا بشرط انها باقي على الضمان ويكون ما انتهى

هذا القرار نزلته وزاره التجاره انك لست ملزم بمراجعه الشركه وتسوي الصيانه , فعادي تسويها برا الوكاله , والضمان يشملك عادي


up 1 down 2
ابو يزيد 000 8712
قبل 8 سنه و شهر



لا يا غالي الضمان ما يشمل الهوبات 


up 4 down 0
puopuo 53
قبل 8 سنه و شهر



ليش؟ ماعليها ضمان انا عندي اذا مسكت فرامل السياره ترج


up 1 down 1
aboo norh 78
قبل 8 سنه و شهر



سوي خرط للهوبات وغير الاقمشه 


up 1 down 0
puopuo 53
قبل 8 سنه و شهر



الضمان على مكينة وقير وكهرب الهوبات من ضمن القطع الي تستهلك  ومايشملها الضمان 



up 3 down 1
شروكي 2007 181
قبل 8 سنه و شهر



اذا مسكت فرامل يرج الدركسون بسيطة سولها ترصيص مانفع ترصيص ارضي
اما الضمان مادري وش اقولك لكن احتمال يقولون سوء استخدام بما ان فيها رفرف


up 1 down 0
al_orainy 56
قبل 8 سنه و شهر



الرجة من الفحمات او الهوب
غير فحمات واخرط الهوب


up 0 down 0
سلطان4040 1237
قبل 8 سنه و شهر



ياخوب ضمانهم وعدمه واحد
نصابين يبون بس تدفع فلوس الصيانه الدوريه 
اذا الصيانه حقتهم بمبالغ يعني اذا الموتر ماشي فوق 50 الف توصل الصيانه 900 ريال
وقطع الغيار عليك وسعرها اربع اضعاف المحلات بره واتاكد انه اي شي بيعطل عندك
بيقولك خارج الضمان ولهم مليون عذر
انا كان عندي اكور نزلته وكاله وكنت محافظ على الصيانه الدوريه المهم لما خذيت الموتر
كان الزر حق الفلشر طافيه المبه حقته وكنت اتوقع انه كذا بدون لمبه لما بيوم طلعت مع خويي
وكان معه نفس الموتر وانتبهت ان في لمبه بالزر المهم لما دخلتها الصيانه كان الموتر ماشي
10 الاف فقط وعلمتهم بالسالفه وانهم لازم يغيرون المبه 
ردهم كان الضمان لايشمل اللمبات طيب ياعيال اللذين ذي لمبه داخل التابلو المهم رفضو
وطلبو عليها 750 ريال 250 ثمن اللمبه و 500 اجور تركيب
خذيتها ورحت عند محل حق مسجلات وشاشات طلب 50 ريال اجرة يده وشريتله لمبه 5 ريال
وكل السالفه 55 ريال


up 2 down 0
sc_est 717
قبل 8 سنه و شهر



الهوبات و الاقمشة ( قطع استهلاكية ) ما يشملها الضمان


عادي غير الاقمشة و اخرط الهوبات ( لو يبي لها خرط )


و عادي هذا شيء استهلاكي في كل سيارة


و مو مكلفة الشغلة لا تخاف


up 2 down 0
alkathiry 706
قبل 8 سنه و شهر



يعني لو اخرط الهوبات واغير الفحمات تروح الرجه مش لازم اغير الهوبات؟


up 1 down 0
aboo norh 78
قبل 8 سنه و شهر



اذا سيارتك موديل جديد من 2009 تقريبا وفوق ما اظن تحتاج تغير الهوبات اكيد بس خرط


الهوب يتغير حسب المراتب اللي انخرط فيها و يصير ماعاد يفيد فيه الخرط ( ذاك الوقت تبدله )

لكن تقول سيارتك على الضمان يعني اكيد موديل جديد

يعني مجرد اقمشة


الافضل وديها محل يشوف لك الاقمشة والهوبات


لان ممكن تلاقي السبب مو منها ممكن من جنط ولا ترصيص


موفق


up 0 down 0
alkathiry 706
قبل 8 سنه و شهر



^ عفوا خطأ املائي ... الهوب يتغير حسب المرات اللي انخرط فيها


up 0 down 0
alkathiry 706
قبل 8 سنه و شهر