أضف سؤال أو موضوع جديد          

تغيير زيت الدركسون للهوندا

up 10 down 1
talal abdullah 5419
قبل 7 سنه و 8 شهر



السﻻم عليكم ورحمة الله وبركاتــه شلونكم (: ان شاءلله تمام. 

سيارتي اكورد 2007 يمكن تعرفون ان طرمبة الدركسون مشكلتها اللي صارت للكثير  بحثت عن اﻻسباب بمنتديات اجنبية تبين لي ..

1_ اضافة او تغيير زيت دركسون غير مناسب للهوندا.
_ لف الدركسون للنهاية مع اﻻستمرار بالضغط عليه.
3_ترك الزيت القديم المستهلك لفترة طويلة( وهذي النقطة مو للهوندا لجميع السيارات )  وقريت ان زيت الدركسون عادة مايتغير ولكن اذا تهالك يصير يحوي نشارة المطاط  والحديد ومع الوقت تتلف النظام وتتسدد المواصير .
وشركات السيارات ماكتبته بسجل الصيانة لسبب .. وهو ان زيت الدركسون مايفقد خواصه مثل زيت المكينة والقير وايضا ﻻي  ﻻ يمكن تحديد فترة التغيير مثل الفرامل اللي يمتص الرطوبة بزمن محدد ..يعني اﻻستهلاك صعب يقاس على المسافة او الزمن والسيارات تختلف عن بعض. .

الخبراء ينصحون بتغيير زيت الدركسون اذا شفته متسخ  ومن هنا قررت اشوفه والمفاجأة لقيته اسود سواد الليل ههههههههههههههاااي اكثر من زيت المكينة المحروق  طبعا اعتذر من قلة الصور ﻻن ماعندي احد اﻻ شخص واحد مهمته تشغيل السيارة واطفائها. 
علبة الزيت لها هوزبن ( خرطومين )واحد رايح للمضخة والثاني اقل سماكة وهو يدور ويرجع للعلبة ثانية. 1
_ نحط وعاء تحت اللي عشان الزيت يصب فيها نفك الخرطوم اللي رايح للطرمبة  ويصب اازيت بالعلبة ( انا عندي اسووود انصدمت كانه زيت مكينة مشيت عليه 9 اﻻف)
_نفك الخرطوم الثاني ونطلع العلبة ونغسلها ( العلبة عندي من كثر الترسبات صارت سودا من داخل .واضحة بالصورة)
3_نرجع العلبة بعد ماتنشف تماما ونشبك الخرطوم السميك اللي رايح للطرمبة.
_نجيب ﻻصق ونلصق ااخرطوم الثاني الصغير. 5
_نحتاج الى لي مناسب نشبكه مكان الخرطوم  الصغير علشان نحطه بداله ويطلع الزيت اللي بالنظام كامل برا.
6_ تطلب من الشخص يشغل السيارة وتشوف الزيت اﻻسود يطلع.
7_ﻻتخلي السيارة تشتغل بدون زيت يعني اضف الى العلبة شوي شوي وتشوفه  لين يطلع نظيف.
8_هنا وانت تضيف اطلب من الشخص يلف الدركسون يمين ويسار عشان مايدخل هواء للنظام.
9_طف السيارة وفك اللاصق اللي بالخرطوم ورجعه بعد ماتطلع اللي من العلبة.
10_اضف زبت مناسب لسيارتك الى الحد اﻻقصى وشغل السيارة ولف يمين ويسار وطفها ..
الزيت بيروح للطرمبة وللنظام كامل فبينقص  اضف مرة ثانية الى الحد اﻻقصى .وراقبها بكرا..وسﻻمتكم.




يفضل اذا نويت تغير الزيت ترفع الكفرات اﻻمامية عن اﻻرض عشان مايكون حمل على المضخة  وانت تلف يمين ويسار .
هذي الصور واعتذر عن عدم تمكني من توثيق الخطوات كاملة بالصور ﻻنها تحتاج الى شخص ثالث ..












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياجماعة متدري ليش رفض يحمل الصور بسبب الحجم مرتفع ):


up 1 down 1
talal abdullah 5419
قبل 7 سنه و 8 شهر



انا اصور بكاميرا تجي حجم الصورة 3 ميجا-5ميجا .... نزلها على اللاب وافتحها وافتح برنامج اداة القطع وصور الصورة يجي حجمها صغير ونزلها بتنزل الدقه لكن مو مرة


up 1 down 0
m11013 923
قبل 7 سنه و 8 شهر



جزام الله خير
مافتكر اني غيرت زيت دركسون او مرت علي فيه مشكله
هي مره وحده لقيته ناقص شوي وزودته من بعدها الامور طيبه


تسلم طلال على الموضوع وفيه نقطه ذكرتها صحيحه 100%  وهي  ..(  وهو ان زيت الدركسون مايفقد خواصه

مثل زيت المكينة والقير ) والسبب بعدها عن الحراره وللمعلوميه سبب تغيرلون زيت المحرك هو قربه لغرفة الإحتراق 

وإختلاطه بالكربون والدخان لذالك تمتد صلاحيته لأكثر من 60 ألف بدون تغيير 


up 2 down 0
ابــو ســنــد 10639
قبل 7 سنه و 8 شهر



ابشركم تم تحميل الصور ... والحل كان تصغير حجم الصور من برنامج الرسام ...
تسلم ابو سند شرف لي مرورك الطيب ت
سلم ياشاقح اثريتم الموضوع..

جاري تعديل اسطر الموضوع


up 1 down 0
talal abdullah 5419
قبل 7 سنه و 8 شهر



اخوي وفي نقطه ذكرها واحد نزل موضوعه وقال انا مسافر كان اخر موضوع له الله يحفظه وين ماكان انه الهوندا علبه الدركسون تخرب بكل الاحوال 
وذكر نقطه قال انها ماخربت معاي بحكم اني الف الدركسون وانا سايب الفرامل والسياره تكون سرعتها1كيلو او ماشابه بحكم ان الكفرات تكون تلف خفيف وانت تلف براحتك عكس لمن السياره تكون ثابته وتلف الطارهخ يكون وزن السياره كله عالكفرات 
حبيت اوصل المعلومه بقدر المستطاع بس ماقدر


up 2 down 0
احمد شريف 3176
قبل 7 سنه و 8 شهر



صحيح احمد الشريف.. انك تلف وانت واقف يجهد المضخة ﻻنه تاخذ طاقتها من الماكينة واسباب الخراب مكتوبة بدليل المالك فعشان كذا قلت ترفع الكفرات 

مﻻحظة زيت للدركسون للهوندا يختلف عن زيت القير  واسمه psf _s اختصار ل باور ستيرنج فلود  وكذلك تنصح هوندا بزيت اخر  يرمز له ب V


up 2 down 0
talal abdullah 5419
قبل 7 سنه و 8 شهر



بصراحة عن نفسي افضل دركسون كهربائي افضل بمراحل .... عكس الهيدرولكي تشيك على زيت و احياناً يهرب من علبة علوية واذا صلحتها
 يبدا سفلية وعلى ذا المواال وغير ووجع رااس
عشان كذا افضل كهربائي نااادراً ما يخرب وغير على حسب استخدام


up 2 down 0
has90has 253
قبل 7 سنه و 8 شهر



كان عندي تهريب زيت الدركسون الي فوق وسويت اصلااح بي 150 وبعد اسبوع تهريب من العلبه الي تحت واصلااحه بي 500 مع شغل اليد كل اسبوع ينقص واعبي وعلى هدا الحال


up 0 down 0
زكريا الجهني -43
قبل 7 سنه و 8 شهر



انا اليوم بحطة لسيارتي منةpsf-s لكزس es350


up 0 down 0
ا ب ج د ه و ز
قبل 4 سنه و 12 شهر