رح شف الاسعار بموقع حراج
8
9
إضغط هنا للإخفاء
السلام عليكم ورحمه الله وبركاته
ان شاء الله انكم بتمام الصحه والعافيه جميعا
طبعا موضوعي اليوم ما في شيء جديد ومستغرب من الموقع العجيب والغريب
والذي يغرد خارج السرب باسعار السيارات <=== وش رايكم بالوصف
المهم قبل كم يوم طلعت مع صاحبي يدور له سياره وحصل هوندا اكوررد بمعرض
موديلها 2006 والسوم وصل 23 الف ريال وطبعا حقت شريطي وما عليه الشريطية عندهم النضاف
المهم قاله صاحبي ليه سعر السيارة غالية كذا قاله رح شف بحرف الواحد
رح شف اسعار بموقع حراج يوصلن 30 و35 الف ولو يقول يوصلن 50 الف بصدقه وانا مغمض
طبعا نطيت بوجه وقلت لا شعوريا انشهد وحنا منحاشين منهم
الظاهر لو اي واحد يروح للقسم المستعمل حق عبد اللطيف جميل بيقوله نفس كلام الشريطي
ولو تلاحضون وهو شريطي وواقفه بمعرض يعني لصاحب المعرض له سعيه وحقه وهذه سعرها
يجيك الواحد بجده او مكه او بطائف ويعرض سيارته للبيع وانا من اهل الحفر الباطن
وش يوديني للديار هذه فوق الـ1000 كيلو المسافة ويمكن يسحب علي بعد
جايب لكم اليوم مقطع ظريف للبنقالي اول مره يشوف ليزر
اخوكم محمد العنزي
https://www.youtube.com/watch?v=Aw2iawvaPKY
إبلاغ
سيارات للبيع
الردود
2
0
موقع حراج كسر سوق المعارض والشريطيه فيه وصار اللي يبي يبيع سيارته تجه للموقع حراج ويبيع سيارته مباشره للزبون عكس اول كان البعض يحط سيارته في معرض سيارات الين يجي الزبون والمعرض ياخذ حصته من عرضها
او المعرض يشتري السياره بسعر زهيد وتكسب منها في بيعها
بس بعد موقع حراج انكسر سوق المعارض وصار البايع والشاري لهم وسيله تواصل اخرى غير المعارض
وهذا اثر على رزق الشريطيه وفكرو بطريقه يرجعو الوضع مثل اول والطريقه عندهم بتخريب والبيع عبر الموقع بطريقه غزو الاعلانات البيع بشتى طرق التخريب برفع الاسعارللتكون فكره عند الجميع ان الافضل هي معارض السيارات التقليديه
2
2
لاكن الشئ اللى يقهر ويضحك في نفس الوقت سيارات قرمبع ماتسوي ربع القيمة اللى حاطها راعيها ويقول لك السوم يبدا من كذا وكذا
ويجيك واحد يدبل علي السعر ..((مفهموة انه يعرفه ولا يطقطق عليه مافيها كلام))
في ناس يحسبون الواحد جاي من المريخ مشئ عشان يدفع قيمة ماتستآهل في كومة حديد يمكن ان كان شرية كم شهر واوديه السكراب
ياهوه حطو اسعار معقولة ...
2
0
1
0
طالب 73 الف
وعارف نفسه ان بيعطوه على وجهه قام اغلق خاصية الردرود
هو بس المنتدى اللي يجي منه خبره لكن الحراج استطلاع فقط
2
0
ادور كامري بالمنتدى موديل 98 قراندي ممشاها 450 الف يعني مر على السياره 16 سنة يقولك السوم يبدأ من 25 الف ولا 2002
ممشاها حول ال 300 يقول مسيومه ب40 لو ممشاهن قليل مره تحت ال100 الف قلنا صح عليهم بس السيارات مستهلكه
عموما التويوتا وصل اسعار خياله جديد ومستعمل والسعوديين الوقت ذا حالتهم الماديه صعبه ياليتهم يفتحون لنا نشتري مستعمل
من الخليج الكوامري المستعمله بالخليج اسعارها حلوه مره وحتى في امريكا وممشاهن قليل
1
1
0
0
يعني القذر يبيع علينا الهايلوكس بسعر هايلوكسين الله ياخذه ان شاء الله وجعل ايدينه للقطع وجعله يبتلي بأهله مثل مانهب الناس اللي يبي يتكسب يبيع بمكسب
5 الاف مو يبيع السيارة بسعر سيارتين
0
0
موقع حراج لا حد ولا يشتري فيه
الي يعرف بسوق السيارات ما يشتري بالارقام الفلكيه المعروضه
اللهم الغشيم ممكن يشتري
والدليل كثير ناس تعيد عرض سياراتها وتنزل حدها
0
1
وواحد شرا له افالون 2011 في 2012 ب 70 تقريبا والى الان يعاني غير المشاكل
الي مالها حل
الي يبي يشتري من حراج لازم يكون خبير فعلا مهو مسوي فاهم وخبير
عموما
المزاد او الحراج بكل الدول ارخص
المعارض اغلى و السيارات الخاصة النظيفة اغلى
والسيارات النظيفة نادرتتعرض بحراج شريطية الا اذا مستعجل
مستعجل
ممكن تحصل كابريس اس اس ب 25 وتحصل واحد ب 50 ويستاهل
فرق النظافة يحدد السعر
والمستخدم له دور فالبعض اهم شي سيارة تمشي والبعض يهتم بكل التفاصيل
التفاصيل حتى زر الريموت يعتبره ملاحظة
2
2
قبل 10 سنه و 8 شهر