هوندا اكورد

مرحبا اخوي اولا ماني من سكان جده ولا عندي خبره عن الاكورد لكن يمكن افيدك بشوي معلومات 
واحد من خاوياي معه اكورد 2009 يقول انا اكثر واحد بالمملكه تطفى عليه السياره وهي تمشي يقول رحت لكثير من الكهربائيين ماعرفوا مشكلتها
يقول والله احيانا تطفى وانا ماشي سرعه كبيره لكن ربي يستر علي بستره يقول توقفت بقريه صغيره ودورت فيها على كهربائي 

المحل صغر وقديم والكهربائي ماهو ذاك الزود يقول واعلمه بالمشكله قال ماعليك 
اعتقد انه مد سلك ووصله في البطاريه بطريقته الخاصه طبعا السلك ماولفه من برا السياره لا  نفس سلك البطاريه مدري كيف مده وصلحه
ويقول من بعدها ماعاد طفت السياره الحمدلله

والشي الثاني بالنسبه لانطفاء المسجل هذي صارت معي بسياره اكسنت ايجار  قبل اسبوعين 
المسجل يطفى ويشتغل ويلعب النور 
كل اللي سويته اني فصلت البطاريه في الليل وفي الصباح شغلتها واشتغل المسجل ولا شي كان صار فيه

طبعا فصل البطاريه يعيد البرمجه 
واعتذر اذا ماقدرت افيدك كثير

نفس مشكلتي بالضبط

انا معي اكورد 2008 ، كانت تطفي وتشتغل من حالها وهي تمشي وتقدر تحصل موضوع لي بهالمشكله
هنا في المنتدى ، المهم شريت لها اصبع اصلي ( النحاسي ) وغيرت بطاريه لأنها مو ذيك الزود وراحت مشكلة
انها تطفي وهي تمشي ،، بعد فترة ظهرت لي المشكله اللي هي ( تطفي شاشة المعلومات ) شديت على الاصابع
وغيرت مكان السلك السالب اللي موصل من هيكل السياره الى البطاريه وانتهت تمااااااماً المشكله

# برأيي تروح لكهربائي او حق بطاريات وتخليه يشيك على اسلاك البطاريه احياناً تكون فيها قطع او مجرحه
وتسبب مشاكل بالكهرباء ،، يارب تنحل مشكلتك لأني عانيت منها للامانه
دعواتك لوالدي وبالتوفيق يارب

الله يعطيكم العافية يابارقي والتركي 
ماقصرتم حبايبي الله يبيض وجيهكم 
انا سيارتي اكورد 2009 
انا فكرت اغير الاسلاك مع ان البطارية مغيرها جديد

نصيحتي لك يابو نوره لا يجيب اسلاك من برا ويلعب لك في الكهرب وتنحرق الظفيره لازم تروح لكهربائي فاهم 85% من الكهربائيين يسوي فاهم ويطمنك انه عادي يولف اسلاك لاتصدقهم يحرق عليك الظفيره 
الله يعينك دور لين تلقى واحد صاحي 

وين القى هذا الصاحي بس ههههههه الله ييسرها 

صارت معايه كذا مره تطفي وانا ماشي لثواني وترجع تشتغل
الاحظها من عداد الطبلون اشوفه يلعب ( طالع نازل ) والمسجل يتقفل وفي ثواني ترجع تشتغل

فتحت الكبوت ولقيت اصباع البطارية عليه كربون
نظفت الاصباع وشحمته ( اخذت شحم من البنشر ووضعته على الاصباع )
والحمد لله من يومها ماعاد تطفي

نقطة مهمة كذلك احب انبه عليها
اذا كان البنزين على وشك الانتهاء وكانت اللمبة والعه تطفي السيارة اذا طلعت طلعه او نزلت منها
انتبه للنقطه هذي جيت اروح فيها لكن الله ستر :(

اكورد 2008

مشكور ابو عابد الله يعطيك العافية 

ياخوي اول شيء روح الوكاله عاملين فحص مجاني تعرف ايه اللي فيها ثانيا بالنسبه للمسجل نفس الشئ كان عندي فك الكابلات ونظفها وركبها ثاني وبالنسبه لطفية السياره تاكد من كابل البطاريه لان صار أيضاً نفسي الشئ معي وبالتوفيق

عندي اكورد 2007
جت فتره السيارة تطفي وانا ماشي طلعت اصابع البطاريه ماهي مشدوده 
المسجل يطفي في المسافات الطويله صارت معي وانا مسافر من جده لابها
المسجل يسخن ويفصل بس حاول كل ساعه تطفيه وتخليه شوي يبرد

ماقصرتم يا شباب الله يعطيكم العافية 

عندي اكورد 2009 يطفى من نفسه ومسجل امس كان كذا يطفى ويشتغل اتمنى لو في حل

نظفت الاصابع والحمدلله ضبط ما صار يطفى

عندي نفس المشكله المسجل يطفي وشاشه معلومات بعد اكورد 2012 مدري وش المشكله

في كهربائي في شارع الاسكان بجدة اسمه محله الفارس حل المشكلة عندي من اول زيارة ولكن لطول الفترة نسيت اش المشكلة بالضبط