أضف سؤال أو موضوع جديد          

تجريم المفحطين

up 7 down 1



السلام عليكم ورحمة الله وبركاته

يااخوان انا احد الناس اللي يعاني من هالمراهقين كل يوم من الساعه 1 الى مابعد الساعه 3
تفحيط وتجمهر واصوات ناهيك عن اصوات الاغاني المرتفعه مليت ادق على المرور دايم وابلغ ومافيه فايده امس شفت دوريتين على نفس الشارع
يعطيهم العافيه الظاهر مهوب بس انا اللي ابلغ ، المهم الموضوع طلع عن حدّه صراحه مدري وش السواة
اقسم بالله اني مرات ادعي على اللي يفحط من قلب وارجع واتندم بس شيء يقهر المشكله ان المبزره من حارتنا
لأن اسمع يوم تجي دوريه يركضون داخل الحاره واحد منهم دايم الدوم رافع ام الاغاني لا ومركب سماعات
بالشنطه مدري وش مسوي الهم صوت المسجل مرتفع والمشكله يمشي بالحاره شوي شوي يرفع الضغط
واترصّد له مره واسمع صوت المسجل يوم قرب طلعت عليه ووقفته قلت يابن الحلال هذيك الشوارع
السريعه ارفع المسجل على كيفك يرحم امك ماهيب سالفه كل مامريت الا رافع ام المسجل شف لك حل
ماينفع هالكلام وقام يعتذر مسوي لي انه سكران قلت الله يستر عليك ومشيت ، انا اذكر نزل قرار تجريم
المفحط يعني عقوبته زي عقوبة المُجرم .. طبعآ هالمبزره بدون رادع لايمكن ينضبطون والقرار هذا
سليم 100% لأن هذا المفحط المُراهق يضر الناس والممتلكات وربما يزهق ارواح .. طبعآ
هالقرار سمعت عنه ولا ظنتي راح يطبقونه ..الله يكفينا الشر








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المفروض ياخذون فلوس على المفحطين واصحاب الدبابات المزعجه وبالخصوص ايام الجمعه والسبت , مو ينشفون جيب المواطن بكاميرات ساهر
هذا البلد دائم يخدم المجرم ولا يخدم الملتزم , جرب بس اطلع للمفحط واضربه , تجيك مكافحة الشغب
لكن لو رحت اشتكيت عليه تجيك الدوريه بعد ساعتين وما تشوفه وانتهى كل شي ولا كانك اشتكيت


up 2 down 0
كلاااش 4
قبل 5 سنه



الله يعينك والله مجرب معانتك وحاس باللي انت حاس فيه , لكن الشكوى لله مافيه حل غير انك تحط مطبات متعرجه ورفيعه علشان اذا اكل المطب ينكسر وجهه هع



طيب وش رايك باللي الله ابتلاه بجار عنده تقريبا 5 اطفال صغار وباللي الساعه 1 ووالله احيانا الساعه 4 الفجر يلعبون بالحوش واصحى على ازعاجهم :( !!


up 0 down 0
ابو سعود629 4656
قبل 5 سنه