أضف سؤال أو موضوع جديد          

مشكله ظهور علامة abs و vsa بالاكورد وتم الاصلاح والحمدلله

up 12 down 8
sc_est 717
قبل 7 سنه و 10 شهر



اسعد لله اوقاتكم
من فتره كنت ماسك خط وفجئه طلعت بطبلون علامة ABS و VSA بالطبلون وهي 
انظمة لبريك وماعادت تشتغل هذه الانظمه بالسياره وهي اكورد 2009
وصلت الرياض والحمدلله وطفيت السياره لين الصباح وشيكت عليها ولازالت المشكله
ظاهره فكيت البطاريه وتركتها حدود الساعه ومافي فايده
وبعدها خذيت السياره وفحصتها كمبيوتر طلعت المشكله في حساس العجل الايسر
وقالولي يبغالها كهربائي المهم سئلت عن كهربائي ممتاز افادوني بانه في واحد سوري بالوقع
الفلاني وماكذبت خبر ورحت عليه شيك عالسياره وقالي يبالها حساس العجل اليسار
تشتريه من الوكاله وانا اركبه واجور التركيب 350 ريال وقيمة الحساس 700 ريال
وتجيني بكره العصر لاني اليوم مشغول قلتله خير ومشيت وباليل اتكلم انا واحد 
من الشباب عالموضوع وله خبره جيده بالسيارات وقالي دور الدركسون اقصى اليمين
وجلس يناظر خلف الجنط وجد قطعة قماش لافه حول القطعه الي ماسكه الجنط وحصلها
قاطعه السلك الي واصل الحساس وبعد رحنا عند بنشري وفك الجنط وشلنا قطعة القماش
ووصلنا السلك مظبوط وانتهت المشكله تمام والحمدلله

وحبيت انقل لكم المشكله وحالها للفائده لان بالصناعيه ماحد يرحم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اله يعطيك العافيه 


up 1 down 0
almartki 251
قبل 7 سنه و 10 شهر



الحمدلله اهم شي رجع مويترك مثل ماكان والحمدلله على السلامة وبالنسبة لسالفتك انا صارت تقريبا زيها طلعت مره الفجر ساري من العيال من شمال الرياض انا من سكان الجنوب واشغل الموتر وتشتغل معي لمبة abs و ولمبة نظام الثبات الموتر طبعا سوناتا امريكية واروح لبيتنا على اساس اني بوديها بكره الصبح واروح افحص كمبيوتر قال لي حساس اليمين ملتمس ومدري وشوا قلت له خلاص برجع لك الحين مافيه دراهم وامشي من عنده بعد ماشبك جهاز الفحص وطفت اللمبات من نفسها واروح البيت واعود الشغل الموتر ورجع مثل ماكان لا حساس ولا قاله الله وصار يشبك abs وكل شي وفراملها ولا احسن منها الحمدلله الكلام هاذا له سنتين تقريبا ولين يومك معي الموتر مافيه الا العافية الحمدلله ... فنصيحة لحد يستعجل لين ولعت معه لمبة يروح يصلح ويعفس تاكد من الخراب اول ... بالتوفيق ياغالي


up 1 down 0
a.ibrahem 3169
قبل 7 سنه و 10 شهر



انا مرة ركبت زنون للكامري حق لاندكروزر

بعد كذا يوم ولعت معي لمبة abs 

سألت وبحثت عن المشكلة واكتشفت ان الزنون يأثر على جهاز abs 

اذا كان قريب منه

وبالفعل شلت الجهاز ولها السالفة ٦ شهور والحمد لله الى الان الامور تمام


up 3 down 0
ماجد الدهامشة 70
قبل 7 سنه و 10 شهر



بيض الله وجهيكم 
فعلا الواحد لازم يكون حذر وحذر جدا بتعامل مع اصحاب الورش الا من رحم ربي
ونذكر التجارب الي حصلت معنا لاجل نفيد الاخرين بدل مايكونو ضحية جشع بعض اصحاب الورش


up 2 down 0
sc_est 717
قبل 7 سنه و 10 شهر



بارك الله فيك وبالتوفيق


up 1 down 0
ابوليلي المهلهل 284
قبل 7 سنه و 10 شهر



ياحي يعجبني اللي يطرح المشكلة ثم يفيدنا بالحلول اللي سوها .... ولك احلى لايك


up 1 down 0
تقووى الهجر 252
قبل 7 سنه و 10 شهر



عندي هوند اكورد اذا كانت طفايه لها وقت عند اتشغيل اسمع صوت طرررر شوي ويروح بس معا اتشغيل


up 0 down 0
ثامر سعود البلوشي
قبل 6 سنه و 2 شهر



عندي نفس المشكله في اكورد 2015 وباجرب اشيك على الحساس حق الكفر


up 0 down 0
حاضرين دوت كوم 7adreeen.com
قبل 5 سنه و 6 شهر



صاحب الاكورد لقيت حل ولا باقي


up 0 down 0
home13
قبل سنه و 7 شهر



طيب انا عندي نفس المشكله وقال لي المهندس انه الي ركب المساعدات شد على الحساس وخربه ويحتاج تغيير وقتها اشتغلت معاي بعد بنشر والنشر كان فالكفر الخلفي يمين وشيكت على الحساس قالو سليم


up 0 down 0
عمرتي الجابري الحربي
قبل سنه و 2 شهر