صوت من طرمبة الدركسيون أكورد 2009

اخوي مشكلة طرمبة الدركسيون عيب مصنعي وحاول تسوي لها اصلاح. يمكن.تضبط معك

بارك الله فيك أخوي عبدالله
يعني الصوت اللي يطلع لمدة 5 دقايق ويختفي طبيعي أم لا
هل اذا سويت اصلاح يختفي واذا ما سويت إصلاح تزيد المشكلة؟؟؟ هل تعرف ورشة بالرياض تسوي الإصلاح لأني اشتريت
السيارة من شهر وما أعرف ورش الهوندا
وجزاك الله خير

شيك على الزيت يمكن يكون ناقص او زايد
وشوف في تهريب خفيف جهة العلبة او لا
اذا كان بداية تهريب سوي اصلاح وشكرا

مشكور أخوي نواف
الزيت مقاسه صحيح ولا ينقص نهائياً
ولا يوجد أي تهريب

www.youtube.com/watch?v=GR5QN3A3rJ4 
تفضل اخوي 
الحل مجرب على اكورد 2005 و الصوت راح 
بس المهم انك تشتري القطعة بالمقاس الصحيح
 و من الوكالة بظن سعرها ما يتعدى 15 ريال

شف لا يكون واحد من ليات الدوده ما هو مشدود زين تراه يسبب. هالصوت كان عندي بالاكورد وغيرت. اللي الطالع من العلبة رايح للدودة وشديته بقفيز  واختفي ولله الحم
د 

على فكرة اذا الدركسون ماهو ثقيل. والدودة ما فيهااا تهريب.   تراااهااا هلوسة عندك الامور بسيطة وتوكل على الله.   وبالتوفيق

شف اخوي في ورشه اسمها الطاير للهدروليك يصلحها لك وسعره شوي غالي بس شغله عليه ظمان شهرين اسمه حسن 

صناعيه النسيم ولا تنساني من دعواتك 

أخوي jupiter
أبروح الوكالة وأسألهم عن الربلة حسب ما شفتها بالفيديو وان شاء الله يكون موديل 2009 تظبط عليه مثل 2005
أخوي جاي أمس
بشيك ع اللي اللي قلت عنه ويا رب يطلع الصوت من اللي وتراني ماهي وسوسة بس الصوت أول ما أشغل الصباح
ظاهر بقوة وبعد 10 دقايق يختفي
أخوي خميس
حلك أخر حل إذا ما ظبطت حلول الإخوان

وجزاكم الله خير جميعا والله ما قصرتوا وبيض الله وجيهكم

انا صلحت العلبه بالشركه ورحت الشرقيه ورديت ورجع فيها تهريب من جديد في اقل من اسبوعين
المهم لين رديت الشركه قالولي ضمانك راح ورجعت صلحتها في ورش متخصصه ماكلفتي ربع المبلغ
وظبت معاي الحين

الضمان راح لأني مشيت فوق الخمسه آلاف كيلو او ثلاثه شهور

أخوي خالد العلبة أتوقع ما تتصلح
أنت تقصد طرمبة الدركسيون ؟؟ وهل الشركة تقصد وكالة هوندا؟؟ هل الوكالة تصلح أم تستبدل بالجديد
الأخ jupiter  موديل 2009 يختلف عن 2005 واللي مباشرة موصول على الطرمبة القادم من العلبة ومربوط بقفيز وليس مسمار كما في 2005
الأخ جاي أمس اللي القادم من العلبة باتجاه الطرمبة مربوط بشكل محكم وعليه قفيز والله أعلم أنه لا يوجد تهريب
فيه أحد المواضيع الأخرى يوجد حل أنك تلف الدركسيون 3 مرات على الأقل على الآخر باتجاه اليمين ثم تعكسه باتجاه اليسار قبل ما تشغل السيارة وبشرط تكون ع
فاتح غطاء علبة الدركسيون علشان يطلع الهواء من الدودة لكن هذا الحل ما ظبط لأنه الدركسيون قبل ما تشتغل السيارة ما يتحرك حتى لو 
لفيت مفتاح السويتش على الطقة الأولى أو الثانية
شكلي مضطر أروح لأحد الورش الخاصة بالهيدروليك وأرد لكم خبر بإذنه تعالى إيش يصير معي لكن عالفضاوة هههههه
لكن السؤال جزاكم الله خير
هل اذا أجلت التصليح يؤثر أو يزيد الخراب أو الصوت علماً أن الزيت في مجموعة الدركسيون أصلي وما ينقص نهائياً

اخوي انا عندي نفس مشكلتك بالظببببط وهالصوت يكون معي وااضح اذا جيت اشغل السيارة ويختفي او يقل بعدين

رحت لورشة رقم 20 بصناعية ام الحمام وقالولي ان الصوت طبيعي ولاتخاف

انا للامانة السيارة لها معي 2 وصوتها كذا ولا عانيت من اي مشاكل

بس بيني وبينك ماقتنعت بكلامهم انه الصوت طبيعي وبالذات عندي تهريب بسيييط في الليات الي طالعه من الطرمبه

تهريب بسيط زي ماتقول بخار زيت

عفوا تعقيبا على ردي قبل شوي (( السيارة لها معي سنتين وصوتها كذا))

يااخوان ابي اشتري اكوررد 2009 وحصلت فيها صوت ب ( الدوده ) ولا عندي علم عن الدوده هل هي مكلفه وهل تنصحوني اخذ السياره ولا لا وهل تاثر ب السياره ياريت تفيدوني يا اخوان وجزاكم الله خير