زيت هوندا اكورد 2013

اي نوع غير واذكر ابوهاشم عامل لوحه كبيره بالاحمر عند الاستقبال انو الي مايتابع صيانه يلتغي الضمان فاذا شالها اعتبر ان كلامهم صحيح واذا لازالت موجوده معناه انه كلامهم هو الي يمشي والله يعينك تغير زيت عندهم ب 800

يعلق لوحة لو بغى على خشمه ما علي منه اشتكيهم

تغيير زيت لـ 800 ريال !!!
انا اعرف بـ 150 ريال
هل انت متأكد

تغير زيت لحاله ب175 بس التغير الي بعد يصير 600 وشووي يقولك يشيكون عالسيار وينظفون الفحمات ومدري ايش كله عشان ياخذون منك فلوس

الزيت اللي يغيرونه وكالة عبدالله هاشم في الفاتورة يكتبون بترومين الترا سفن 15w40 لكن لما تسأل عن الزيت ذا بنفس اللزوجة ماتلقاه
اعتقد ان اللي يغيرونه هو بترومين الترا سفن 10w40 
أنا كنت اغير في الوكالة لين ممشى 45 الف بعدين بعد قرار وزارة التجارة سحبت عليهم وصرت اغير عند بترومين زيت بترومين a1 5w30 
وأغيره كل 10 الف كم 

يعني اسحب على الوكالة ولايهمك الضمان لاصار شيء في السيارة غصب عنهم يصلحونها 

اهم شيء زيت القير غيره في الوكالة وسعر تغيير زيت القير في الوكالة 220 ريال واذا غيرت الزيت مع الفلتر ب 420 ريال تقريبا

دقيت على الصيانة وسالت عن الزيت قالو ان الزيت الي عندهم بترومين وان له لزوجه موب موجودة الا عندهم بقطع الغيار وتقدر تشتريه

شوف أخوي القصاب
الكاتالوج يخيرك بين عدة لزوجات
5w30
10w30
15w40

غير أي لزجة منها مايضر
وابتعد عن لزوجة 20w50 لانها غير مذكورة في الكاتالوج

ونصيحتي غير لها لزوجة 5w30 ويكون الزيت تخليقي بالكامل وغيره كل 10 الف كم
عندك بترومين a1 5w30 تخليقي بالكامل مواصقات ديكسوس - sn يعني مواصفات حديثة

الله يجزاك خير اخوي سلطان وحنا ما ينفع لنا الا ابو 10000 احسن شي تعبنا كل 5000 غير

يا حبيبي انا قبل اسبوع كنت بالوكاله وما كنت اغير زيت عندهم قالولي ضمانك ملغي مالك ضمان عندنا رحت اشتكيت بوزراة التجارة وللحين لا حس ولا خبر
الوكالة ضاربه بكلام وزارة التجارة بالزباله ولا عليهم منه