أضف سؤال أو موضوع جديد          

الجزيرة فورد حقيرة وزود

up 19 down 2
talal abdullah 5421
قبل 6 سنه و 10 شهر



السلام عليكم ورحمة الله وبركاتــه ...تحية طيبة لكل الاعضاء ... اخواني انا من سنة نزلت موضوع بعنوان(فورد الجديدة) وتكلمت حزتها عن تورس الجديدة 2013 شريناها ولله الحمد والمنة ,,,وتكلمت عن ايجابياتها وسلبياتها وانطباعي عنها (بامكانكم الرجوع بالضغط على اسمي) لمن فاته الموضوع.....



الموضوع اليوم مختلف ماراح اتكلم عن السيارة بتكلم عن اللي جاب السيارة ولعب وسرح ومرح بﻻ حسيب وﻻ رقيب  توكيلات الجزيرة النصابين حسبي الله عليهم ,,,السيارة فيها عيب مضخة البنزين ودخلناها عندهم من شهرين تقريبا والامور طيبة المهم من فترة بدأ يظهر شطب صغير بالسقف يشكل افقي يعني موازي لنوافذ السيارة الجانبية وكل شوي زايد توقعنا انه منهم لما كانت عندهم بس مانتبهنا له وقتها .. الشرخ هذا يتزايد بسرعة لين وصل عند الدريشة الخلفية وديناه للجزيرة مخرج 16 ...

وكـــانت المفاجأة قالوا لنا التنده مغرقة معجون !!!! هنا اخوي وجهه صار الوان ....السيارة معانا وعمرنا ماسمكرناها ولا صبغ ولا شي اقسم بالله ان اللي اقوله صحيح لما شافوا اخوي عصب بدو يغيرون الموضوع ويهدون الوضع ويطالعون بعض كانهم يقولون ليش تعلمونه !! قالهم : شلون مصبوغة؟؟؟ قالوا انت راشها مو حنا ...هنا عاد صار هواش يحبه قلبكم طبعا هم مصرين انه منا قال بشتكيكم ووووو قالوا له اشتك حنا واثقين من انفسنا بس خذ السيارة معاك طلعها طبعا رفض يستلمها .. لما طلع بعدها يربع ساعة دق المسؤول قال خلاص بنصبغها لك مجانا !!!على الضمان قال وبس هذي هي بكل بساطة !  قالوا ايه صبغ وكالة عادي ترجع مثل المصنع ..قالهم ههههههههه هذا انتو صبغتوها سنة وتشطبت حسبي الله عليكم وللعلم ماقد جبناها عندهم غير اﻻستدعاء فقط يعني الضمان رايح علينا مادري على اي اساس دخلوها ع الضمان. هذا اعتراف غير رسمي انهم راشيناها .. الاكيد لما طلع اخوي طقوا برنت عن السيارة وعرفوا انهم صابغيناها من قبل لانستلمها لان لما شريناها طولت على مااستلمناها ولا عطونا موعد محدد ,,,فنصيحة ياخوان الوكلاء كلهم اضرب من بعض والاهم لما بتشتري لازم تعرف متى موعد الاستلام علشان تحاججهم وتبهذلهم حنا قعدت حول ال26 يوم على بكرا وبعده وهاليومين (معلق) يعني ,, حنا نشتري سيارة جديدة نتحاشى غش الشريطية طلعوا الوكالة اساتذة الشريطية

... هذا الموضوع غير منقول وصارت معانا واقسم بالله اني صادق باللي كتبته ....وهذا مقطع فيديو من تصوير اخوي عذرا على رداءة التصوير ... http://www.youtube.com/watch?v=fr3jVDN9uYs&feature=youtu.be







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الان نزلت الفيديو وأسف على رداءة التصوير بانتظار ارائكم


up 2 down 0
talal abdullah 5421
قبل 6 سنه و 10 شهر



فعلا توكيلات الجزيرة سيئين جدا دخلت عندهم أكسبيدشن 2013 تفقعت المساعدات وهو ماكمل 5000 وفية مشكلة عداد الهواء rpm جلست السيارة قرابه الاسبوعين وأصلحوا المساعدات وليم يتم اصلاح العداد وقالوا لي بأنهم سوف يطلبون القطعة من امريكا ويتصلون علي مرت 6 اشهر ولا حولك احد بعدها بعت السيارة


up 1 down 1
sabal 582
قبل 6 سنه و 10 شهر



حسبي الله ونعم الوكيل
ربي يعوضكم بخير ولاتسكتو عن حقكم ابد وارفعو شكوى لوزارة التجارة
انتم شريتو سياره وهي ملعوباً فيها والله حرام
شي يقهر ويرفع الضغط
لو في مكانكم ماستلمها الا بموتر ثاني
ونصيحه لكل من يبي يطلع له موتر من اي وكيل يروح للامارات يطلع وهو مرتاح 
على الاقل احسن من هالجحلط



up 0 down 0
azera .. 2012 3505
قبل 6 سنه و 10 شهر



جزاكم الله خير شاكر لكم الردود ...المشكلة اللي مواجهتنا ان حنا ماعندنا خبرة بالتعامل معاهم وهم بالمقابل اكيد لهم ثغرات يطلعون منها ,,,السؤال هو شلون نثبت للوزرارة وفورد الشرق الاوسط ان الصبغ مو منا ..


up 0 down 0
talal abdullah 5421
قبل 6 سنه و 10 شهر





الله لا يوفقهم
يا رجال خوفتنا .... كان المفروض استلم سيارتي من عبدالله هاشم (هوندا) بعد 10 ايام .... ولكن استلمتها بعد 20 يوم .... الله يستر

يا اخوان نبغى موضوع شلون نكشف السمكرة او الرش .... والله الواحد متوسوس من هالأخبار


up 0 down 0
muayad 1 768
قبل 6 سنه و 10 شهر



اخوي طلال .. عندنا في السعوديه اذا السيارة صار عليها حادث مستحيل تتصلح الا بورقة إصلاح من المرور صح ؟!! 

روح للمرور وخذ برنت لسيارتك ان ماعمره جاها حادث منذ استخدامك لها وطيران على وزارة التجارة وارفع عليهم دعوه وجنن امهم لاتخليهم 

عندنا الشركات اذا شافت الواحد فاهم ونشبه يخافون منه ويحاولون يسكتونه بالي يرضيه .. شد حيلك ولا تسكت عن حقك .. 

بالتوفيق ,,,, 


up 4 down 0
الـقـنـاص 1210
قبل 6 سنه و 10 شهر



قد صارتلي معاهم مشكله وماحليت الا لمن قدمت شكوى على الفرع الاقليمي في دبي
حاول تتواصل مع الاداره في دبي

قبل فتره شفت واحد مسوي اعلان فحراج
يقولك نفحص سيارتك من الرش في الوكاله قبل شرائها
يعني حتى الوكالات صار محد يضمنهم

سيارتك اتوقع طاح عليها شي اثناء التحميل والنقل والوكاله راحو صبغوها  
هي كذا مافيه لها اي منفذ ثاني




up 2 down 0



الوكيل هنا محميه من اصحاب السمو لانهم شركاء

مالك الا تشتكي للاداره الاقليميه


up 2 down 0
abahal 1385
قبل 6 سنه و 10 شهر



شكرا للردود
قرينا وبحثنا بالنت عن نفس مشكلتنا وطلع لنا بلاوي واجد مثلنا بس القاسم المشترك هو (التأخير عند استلام السيارة ) انتبهوا ياخوان من هالنقطة كلهم قعدوا شهر او حوله بعد الشراء وعقب استلموها ...واكثر الحالات عند الجحيم(الجميح) والجزيرة ,,والغريب ان الوكلاء عندهم ترى عادي وش فيها يقولون لك خدش وعالجناه ,,!!!
الشي المحبط ان معظم الحالات اكتشفوها بعد الشراء بفترة بسيطة واشتكوا للتجارة ومافيه فايدة :( فموقفنا ضعيف حنا لنا سنة...
هذا اللي بيصير ان شاءلله بس خل يصبغونها اللحين علشان لا نتصادم معهم ويرفضون اصلاحها ....
ولو مااخذنا حقنا بالنسبة لي شي مهم اعلم الناس عن خداعهم واوعيهم وان شاءلله اسجل بموقع فورد العربية واكتب الموضوع هناك .....



up 1 down 0
talal abdullah 5421
قبل 6 سنه و 10 شهر



موهو بس توكيلات الجزيره الخراميه عندك الحمراني بعد 
الوالد شرى منه ارمادا ٢٠٠٩ وكاله من عندهم واتصلوا علينا قالوا السياره بتجي بعد اسبوع 
ومر اسبوع اتصل عليهم الوالد قالوا له صارت مشكله وبنطلب السياره من امريكا مره ثانيه وجلست حوالي ثلاث شهور بعدين جاء واخذنه وجلس معنى سنتين بعدين دق اخري في عمود دقه بسيطه الدقه كانت بالباب الورى يمين قال ابوي نروح نسمكره يوم وديناه للورشه قالوا البويه بتخرب لازم تغيير الباب قال لهم ليه قال لان الباب فيه مسمكر وفيه معجون  ومرشوش 

ولنى يمكن ٧ شهور نطالب بحقنى ولاهم مهتمين ولا احد حولك 


up 1 down 1
احشاش هادئ 52
قبل 6 سنه و 10 شهر



مادري ليش حاطين لي ديس لايك !؟


up 1 down 1
talal abdullah 5421
قبل 6 سنه و 10 شهر



كل واحد يشتري له جهاز فحص ويكون معاه اذا جاء يشتري سيارة حتى لو وكالة








up 1 down 1
aboamani 1149
قبل 6 سنه و 10 شهر



والله يااخوان صار الوضع في البلد يخووف بصرااحة من فساد المشاريع وغير شوارع مكسرة ونهب فلوس و و و و....الخ
داايماً اتخيل بعد 10 سنوات ( الله يطول بأعمارنا يارب ) ايش راح يصير !! تتوقعوا في تتطور عندنا ..
الله يستر...


up 3 down 0
has90has 253
قبل 6 سنه و 10 شهر



لا حول و لا قوة الا بالله 
الزمن ذا النصب بكل مكان 


up 0 down 0
دفتر 220
قبل 6 سنه و 10 شهر



يقول النبي صلى الله عليه وسلم ( من غش فليس منا ) حسبنا الله عليهم ونعم الوكيل


up 0 down 0
mr.key 85
قبل 6 سنه و 10 شهر



حسبي الله ونعم الوكيل


up 0 down 0
ساري المفعول 87
قبل 6 سنه و 10 شهر