جيب هوندا بايلوت ..

السيارة اعجبني شكلها ولكن انا متخوف من عدم اقبال الناس عليها رغم جودة سيارات هوندا
اعتقد قطع الغيار هي المشكله سواء سعرها او توفرها 

اخذ فورشنر 6 سلندر فل كامل ارخص منه 
مكينة الفورشنر 6 سلندر   4.0 بالطول ودبلات عصى ومرتفع اكثر ب125

البايلوت سعره يطق 140 
ولاهو بعملي ومكينته 3.5  ولاه بجيب يعتبر حق خطوط ورمل خفيف وراحه بس 

اذا ابي سياره عائليه
اذلي اكسبدشن ب120 8 سلندر افخم واوسع واكبر ومكينته اكبر من البايلوت ومنتشر ومرغوب اكثر منه

قبل كل شي طالع فسعر السياره
البايلوت سعره غالي
وهناك بدائل اخرى ارخص واقوى منه

انت شايف تصميمه كانه كرتون وحاطين له انوار قدام وخلف قبيح تصميمه جدا يعني عندك سيارات زي جيب المازدا الكاديا وباثفيندر واكسبلور وغيرهم كثير وشوف شكل البايلوت قبيح جدا وقطعه غاليه والوكيل يقول ماعندي قطع الا لازم تنظر وصعبه تصليحه لكنه قوي حتى في البر تراه جبار وراسي لكن قطعه نار وشكله قبيح

أبو رهف ...شاقح ...رايق ...

الله يجزاكم خير ماقصرتوا ...

أبو رهف فعلاً ثطعها غالية وأي سيارة قطعها غالية جداً تخلي الواحد مايفكر فيها لان الواحد يبي بعد مايتشري السيارة يرتاح مش يجلس شغال فكره في قطع السيارة وفي عدم توفرها ...

ياشاقح كلامك صحيح سعره غالي واقل فئة تقريباً في حدود 117 ألف ...وبالنسبة للفورتشنر عيبه عدم جودة الديكورات الداخلية ..انا سبق وجربت الأربعة السرندل ..ولكن لو خيروني بين الكامري او الاكورد أو سيارة سيدان اختار الفورتشنر لأنه ينفع لشوارعنا حتى لو كان أربعة سرندل ...اما الست سرندل مبالغ فيه بقوووة ..على ايش ما أدري ..!!!


يا ( راق ) كلامك صحيح الهوندا يكرهوها الناس بسبب قطعها الغالية وعدم توفر البعض منها ...واحد من الزملاء كان عنده جيب ( سي آر في ) موديل 2007 وصار له حادث مع الرفرف والباب اللي جهة الراكب بعضها حصله وبعضها قالوا له طلبية من اليابان..!!...المهم الله يعطيكم العافية ماقصرتوا ....واللي خلاني أسأل عن الهوندا البايلوت لاني ما أشوفه إلا في النادر جداً ..

وبالنسبة لي السيارة اللي أفضلها الغمارتين لانها عصاك اللي ماتعصاك وماتخليك محتاج لسيارة فلان وعلان ...لو عندك غسالة ولا كيس رز تلقاك تلوي وجهك ادور على واحد معه ونيت .....

يا ( راق ) = يا ( رايق ) ..