كاسترول ماجنتيك

فعلاً نفس السوق تقريباً



الكاسترول انا اخذه ب 14 العلبه الماجناتك كان غالي والحين نزل سعره بسبب نزول الزيت الجديد كاسترول ايدج

كاسترول ماجناتيك شاريه قبل فتره من الجمله بـ 25 ريال العلبه 

و 10w30 سعره 15 وفيه فرق لما تأخذ كرتون يطلع عليك بحدود 12 

اسعارك قريب البيع بـ الحبه واحيان اغلى 

اهلين اخوي شيخ المعارض زيت كاسترول ايدج الذهبي جديد ولزوجته تختلف هو 5w40 لزوجه شاطحه شوي





الماجناتك ماسألت عنه بالجمله آخر مره ركبته من البناشر ب للعلبه30 بعد ماكان ب 40 فشي طبيعي عند محلات الجمله ارخص من 30 رأيي الشخصي هي 3 زيوت ولا تبعد عنها وهي موتر كرافت الاحمر + كاسترول ماجناتك + موبيل 1

موتركرافت ارخص واجود من ماجنتك واقل صرفيه بنزين وهالشي مجربه

والله اني غيرت موتر كرافت للريو صراحه ريح السياره والمكينه صوتها هادي وخفة صرفيت البنزين ويوم غيرت كاسترول 10w30 
صوت المكينه صار عالي أصوات طقطقه بالبدايه بمشي عليه كم الف < تحليل وبعدها بغيره وبنزل موضوع عن هالزيت السيئ 

لأن فرق بينه وبين موتر كرافت ريالين وكاسترول يمشي 5000 وبالقوه يحترق على 3500 أو 4000 
أما الموتر كرافت قيمته 16 ريال ومشيت عليه 8000 وغيرته بطيب خاطر والا هو باقي فيه هههههههه

سلملي على موتور كرفت
ماغيره الا بعد 10 الالف وتزود اوقات 

مساء الخير ياشباب 
أنا أستخدم كاسترول جي تي اكس 10w30 لاكن لا أعلم هل هو أصلي أو مقلد 
لأني وجدت موضوع في المنتدى يحذر من زيوت كاسترول جي تي اكس التي يأتي غلافها الداخلي ( تحت الغطاء )
بألوان متموجه فلا أعلم عن صحة هذه التحذيرات أفيدونا جزاكم الله خير

وبالنسبة لمستخدمي زيوت موتور كرافت هل تنصحوني بها  سيارتي أزيرا 2008
مكينه صغيره 2.7  6 سلندر  قطعت 184000 كم 

اخوي صالح دامك تستخدم الكاسترول المضروب حط من الموتر كرافت نفس اللزوجه وامشي فيه10000ولا يضر لو زادت هاذا بالضروره مخصص يتحمل اقصى درجات الحراره 
مع مراعاه التاكد كل 2000كيلو شيك لو نقص او شئ 

أهلين أخوي أحمد مشكور ماقصرت

طيب بالنسبه للزيت اللي أنا كنت أستخدمه ( المضروب ) طبعاً من 80000كم بدأت أستخدمة والى الان يعني مدة استخدامي
له 100000 كم هل من المعقول انه مضروب فعلاً 

أن شاء الله بجرب موتور كرافت لاكن كيف أميز الأصلي من المقلد 

وضعنا من جرف لدحديره أين دور وزارة التجاره من تجار الزيوت المقلده وغيرها

حسبنا الله ونعم الوكيل على من غش الناس 

أنا أغير الزيت نفس ذا بس ابيض العلبه 15أو 16 ع ما اظن

ما انسى التجربة اللي مريت فيها بهذه الزيوت كلها سئية اسمع واحكم : 
١- كان عند واحد من اصحااابي بي ام دبيلو الحوت نظيف نظااافة مو معقولة ماشاء الله 
من زود المحافظة قام يغير زيته من كاسترول ماطولت السيارة سنه ونص والله المكينة خبطت 

٢- واحد من اولاد خااالي عنده مرسيدس e300  نفس الحكاية ونفس الزيت كاسترول . 

٣- كان عند واحد من اخوواني الصغار ايكو من يوم شريناها من الوكالة وحنا نستخدم تايوتا 
ولكن ولد الحلال غير الزيت الى كاسترول من المدح اللي يسمعه من الناس واصحاب البناشر 
غيره من تايوتا الى كاسترول وبعد سنه ونصف اقل او اكثر خبطت المكينه . 

٤- واحد من اصحاااابي كان عنده مرسيدس شيح ٩٦ الصلاة على النبي بس حق سفريات 
غير من زيت كاسترول والله ان المكينه خبطت . 

اقول هذا الكلام والله مو اخرب على صاحب الاعلان لكن بتجربة مرينا فيها سيئة من هذا الزيت 
والحين عندي لكزس ما اغيره الا تايوتا وسيفون من تايوتا والحمد لله وماشاء الله تبارك الله 
شوي وتكمل المليون كيلو   والسيارات اللي قبل ذكرتها كلها مامشت تقريبا ميتين الف 

A1 بترومين تخليقي بالكامل اخذ الكرتون بسعر 258 ريال فقط يعني العلبة بـ 21.5 فقط والله على ما اقول شهيد ...

السلام عليكم
اخوي القناص انا اشريته قد مرتين ب 270 عند بن محفوظ
انت من فين شريته وجزاك الله كل خير

نصيحة ياصاحب الاعلان ابعد عن بيع كاسترول وانا بعد جربته الزيت حق كاسترول اشوفه من وجهة نظري وعن تجربة ومقارنة مع A1 بترممين اشوف بترومين افضل بكثير

السلام عليكم
بعد قراءتي لعدة مواضيع عن الزيوت وجدت شخصياً أن أفضل زيت ممكن تستخدمه موتر كرافت 5W  30 

انا عندي كورد 2005 استخدم كاسترول 30w10 وتنقص الماكينه منه مدري وش تنصحوني بأهل الخبره وش افضل الزيوت اللي يمسك بالمكينه بارك الله فيكم .  

ياحبيبي اسعارك غاليه تضحك على نفسك انت كاسترول 10 30 ب 360 لا ياشيخ تكفى الله يرحم والدينك استرزق بس مو تنصصب علينا ترا