هوندا إفتقار التنوع والاعتماد على الأكورد

هوندا في المملكة لا يوجد لها ممثل رئيسي ولاعب أساسي سوى هوندا أكورد ، أما بقية الطرازات ضيوف شرف ( سيفيك ـ سيتي - بايلوت - CRV ـ أوديسي ) تكاد تنعد على أصابع اليدين ، بينما نجدها في أسواق أخرى منتشرة إلى حد ما في أمريكا وبعض الدول الآسيوية ، بالإضافة إلى ذلك تفتقد طرازات هوندا إلى التنوع مقارنة بشركات أخرى مثل التويوتا والنيسان ، فهي تعتمد على الدفع الأمامي بشكل أساسي في طرازاتها وجميع إصداراتها سيارات ركوب فقط ، تفتقد سيارات النقل والسيارات الكبيرة

إبلاغ

الردود

بكل اختصار السبب في الوكيل.

مطلوب سياره 392
قبل 10 سنه و 11 شهر

هوندا نزلت جيب في امريكا اسمه المنت شكله يشبه الاف جي الى حد ما

فشل فشل ذريع والسبب انه يعتمد بشكل اساسي على محرك الاكورد (دفع امامي)
مع ان سيارات هوندا فيها اعتمادية بشكل كبير لكن ما حصلت نجاح عندنا

مع انها في العالم تنافس ولها شعبية

في شرق اسيا السيتي تتفوق حتى على اليارس
في امريكا وكندا السيفيك من أنجح سيارات السيدان الصغيرة
ايضا في امريكا الـ CRV منافس شرس للراف4 ونيسان مورانو وكيا سبورتاج

عندنا لا يوجد لهوندا سيارة تنافس بها غير الاكورد فقط

بعض دول الخليج سوق هوندا فيها افضل

naac 2 2722
قبل 10 سنه و 11 شهر

كلامك صحيح
والسيفيك كانت مرغوبه الى 2011 ومن بعدها .. شوهوها حسبي الله عليهم
والله اكثر سيارهـ انقهرت عليها هي السيفيك

كان شكلها رياضي وشابيبه ورايقه , اما الحين ماتفرق بينها وبين السيتي ! ..
طبعا هالسياره ماياخذوها الا الشباب ,, وهم يبون شكل رياضي مثل شكلها القديم , عشان كذا خسرت
مدري وش كان يفكر فيه المصمم ..!!

n.zero 258
قبل 10 سنه و 11 شهر

الوكلاء يدسون السم في العسل حتى حملة خلوها تصدي قلبوها علينا وزادو في الاسعار في قطع الغيار وغيرها والاستيراد صعبوها علينا

أبولتين555 654
قبل 10 سنه و 11 شهر

فيه جيب هوندا بايلوت PILOT

مكينة سته سلندر V6 3.5 دفع رباعي 4WD وقير أوتوماتيك 5 سرعات .. كل فئات البايلوت PILOT عند عبدالله هاشم وكيل هوندا في السعوديه

مواصفات (( الستاندر أقل فئه )) EX :

* نبدأ بمواصفات الأمان :
فيه 6 إيرباقات
- ايرباقات أماميه للسائق والراكب
- ايرباقين أماميه جانبيه
- ايرباقات ستائر جانبيه
- نظام الفرامل المانعه للإنغلاق ABS + نظام التوزيع الإلكتروني لقوة الفرامل EBD + نظام مساعدة الفرامل BA
- نظام تعزيز ثبات السياره VSA + نظام التحكم بالسحب TCS
- نظام المساعده في الإنطلاق على المنحدرات HSA
- ضوء مرتفع للفرامل
- نظام تجميد المحرك ضد السرقه
- جهاز إنذار
- حساسات أماميه وخلفيه تساعد على تلبيق السياره بسهوله
- كاميرا خلفيه

- نظام الدخول الذكي بدون مفتاح
- حساس حراره الجو + بوصله
- خطاف للسحب مع غطاء
- جنوط ألمنيوم مقاس 17 ومقاس الكفرات 245/65R17
- شكمان كروم
- مثبت سرعه + أزرار على الدركسون للتحكم بالمسجل والصوت
- بلوتوث
- عرضي ذكي متعدد المعلومات i-MID شاشه صغيره
- نظام تكييف ثلاثي المناطق
- مسجل وراديو AM\FM\CD و USB و AUX
- 7 سماعات
- حاملات أكواب ( 2 عند السائق والراكب , 6 في صف المراتب الثانيه , 4 في صف المراتب الثالثه )
- دعاسات ارضيه
- 8 مقاعد ( مراتب )

وزن الستاندر 2075 كيلو جرام

وفيه فئه أعلى من الستاندر .. اسمها EX-L اتوقع سبشل أو فل كامل
وفيه فئة تورينق Touring

مواصفاته ممتازه مع انه ستاندر أقل فئه .. لكن ما أدري كم سعره ..

بالسعوديه عندنا وكيل هوندا يجيب 9 سيارات :
- هوندا أكورد سيدان
- هوندا أكورد كوبيه
- هوندا سيفيك
- هوندا سيتي
- هوندا جاز
- فان أوديسي
- هوندا CROSSTOUR
- جيب صغير هوندا CR-V
- جيب بايلوت PILOT

speed for ever 3706
قبل 10 سنه و 11 شهر

يا سااااااتر معليش تكرر ردي مليون مره (( أقسم بالله بدون قصد ))
ما أدري المشكله من موقع حراج أو من كمبيوتري أو من متصفح الفايرفوكس Firefox ؟؟
عندي متصفح الفايرفوكس مخبط ما أدري وش فيه .. لازم كل شوي أحدث الصفحه مليون مره

الظاهر لازم أفرمته من زمان ما فرمته يمكن له سنتين

المشكله ما فيه خاصية لتعديل أو حذف الردود المكرره بدون قصد ..

speed for ever 3706
قبل 10 سنه و 11 شهر

اصلا احنا انقول اكورد هوندا مو العكس غيره بالهوندا اسحب عليه وبصراحه الاكورد تستاهل صبوره

sory30 62
قبل 10 سنه و 11 شهر

سيارات هوندا ممتازة بشكل عام
المشكلة الوكيل عنده أكثر من وكالة فهي وحدة من ثنتين :
يا إنه شبعان و الاكورد مكفيته أو إنه ما يلحق لضعف امكانياته
أعتقد إن الوكلاء اللي يركزون على منتج معين ينجحون فيه أكثر من الوكلاء اللي عندهم أكثر من وكالة
العيسائي و عبدالله هاشم أكبر مثال (متسوبيشي و هوندا )

دفتر 220
قبل 10 سنه و 11 شهر