ماهي افضل كفرات وجيده للاكورد

ميشلان بس السعر ولا ماعندي علم 

اتوقع برجستون افضل من مشلان عشانه حق وكالتها 

اتوقع برجستون افضل من مشلان عشانه حق وكالتها 

براحتك ياخوي هذا شوري عليك لاكن الخيار يرجع لك انت في الاخير 
وتنظر ردود الشباب الباقين

كونتننتال بس غاليه
برلي
ميشلان
برجستون

ميشﻻن ممتاز لكن يكون فرنسي أو على اﻷقل اوروبي

البرجيستون قاسي ومتعب في المطبات

وإذا السعر ما يفرق معك بريللي ﻻ يعلى عليه

اذا تبي شي لين ومريح عندك الميشلان والجودير و الكونتنتال كلها لينه على المطبات ومريحه واذا جنوطك 17 سعر الجودير ب 2200 من الوكيل والميشلان فرنسي ب 3000 وعليها والكونتنتال الكفراكثر من الف 
واذا تبي جوده وكفرات تجلس معك ثلاث سنين خطوط برجستون هو افضل شي بس مشكلته قااااسي جدا ويفكك االسياره وسعر الكفر مقاس 17 ب 600 وعليها 

ميشلان 
دنلوب كان لقيت مقاس
تويو ياباني 

الانواع اللي قالوا عليها الشباب كلها جيده لكن انصحك بشيئ مهم لاتشتري الا من الوكيل اليومين دول سمعنا ان فيه مصانع تعيد تصنيع الكفرات والكفرات المعاد تصنيعها لاتتحمل الحراره والسرعه وتسبب كوارث

أخوي مركب على ألأكورد تويو ياباني جنط سبيشل مقاس الكفر 16/ 60 /215
ويثني عليها يقول ممتازة
لاكن القساوه ما أدري عنها 
ولك حرية الاختيار 

السلام عليكم
انا مركب كفرات لسيارتي نيكسن وتويو واشوفها جيدة وسعر جيد شوف المستخدمين والله ييسر لك

اخوي حسب ميزانيتك لو ميزانيتك ضعيفه انصحك بهانكوك ممتازه ولينه وتخدم بالسنين وتتحمل ممشى فوق 120الف كيلو متر مضمونه ونقشتها حلوه
لو ميزانيتك اضعف من الهانكوك في انواع واولها ديرو هاذا ممتاز ويخدم ويعيش زيه زي هانكوك بس هانكوك افضل منه بمراحل 
ونوع ثاني تقريبا زي ديرو اسمه ورلي برضو كويس الكفر بحدود 250ريال للكفر قاس 17ركبناه بسياره خويي ويتحمل يوميا جده شعيبه مشى معاه سنتين 
واستخدامه سيئ تفحيط بالقومه كان ركبه بالالتيما بهدلها وتحملت معاه
هيا كلها ميزانيات

كان ميزانيتك متواضعة فيه كفرات ماكسس برافو العادية ليست البالون صناعتها  تايلندية خدمت معي تقريبا ثلاث سنوات  ومشيت ٦٠ ألف طبعا مركبها على جيب جنط ١٦

ميزتها رخيصة وعملية سعرها حاليا مقاس ٢٤٥-٧٠-١٦  ٣٦٥ ريال. بينما هانكوك ب٥٠٠ ويوكوهاما ب٥٥٠

ووكيلها الهاجري دور رقمه في الانترنت


فيه نوع اسمه نكسن  كورية وضمانها مفتوح ومواصفات عالية وكيله العمودي وهو وكيل كفرات تويو أيضا ، لكن ما جربتها اسأل عنها وشف.


لو تشتري الكفرات من وكيل الكفرات أحسن لأنه الوكيل أضمن وتاريخه أجدد من البناشر والبلوف أصلية وترصيص ممتاز وفرق السعر بسيط بين محلات الجملة أقصد الغرابي وبعض الأحيان أرخص، لكن ابعد عن البناشر تراهم غالين، خذ كفراتك القديمة وبعها البناشر في الغرابي يشترونها منك تسوى ١٠٠-١٥٠ ٤ كفرات

كذلك فيه نقطة مهمة تاريخ الكفر. حبذا يكون جديد.

الله يجزاكم خير جميعآ على المشاركه الطيبه 
بخصوص الميزانيه بحدود من ٣٠٠ الي ٣٥٠ للكفر الواحد
واللي عنده خلفيه عن بييرلي قالولي صيني بس ممتاز 
الهنكوك ركبه اخوي قبل ٩اشهر وحبل 
والله اني محتار الله يكتب اللي فيه خير 
من ١٢٠٠ الي ١٤٠٠ وش تنصحوني بشي يخدم سنتين ثلاث سنوات ان شاء الله

هانكوك ولا يعلى عليه