سيارة وكالة اكورد تطلع صوت

معليش عزيزي والله ما فهمت وش تقصد بالحفرة والمسامير ..!

راجع الوكاله السياره جديده مامشت بعد ومااقدر افتيك ممكن عيوب مصنعيه او ممكن مسامير محلوله  او يمكن  وطيت حفره 

 او يمكن من سرعه الزايده الي جاتها منك خصووصن  بعد تمرين ارفق عليها مده اسبوع 

سم الله وٲذكره....والسيارات الجديده شغل قرآن ...ياما شفنا سيارات جديده وراحت تشليح بسبب العين ٲو الحسد.....

اشكرك على المرور يا غالي 

اشكركم جميع ,, الله يجزاكم الجنه 

المفروض ماتسرع بالسياره لانها تحت التمرين  اكثر سرعه 100 تقدر تمشي فيها والله اعلم بس 
اغلب الوكالات كذا تتعدى ال 5000 تقدر  تسفط طبلونها عادي بس لسا المكينه  تحت التمرين  ممكن بالمكينه الله لا يقدر 
وزي ماافادوك الشباب راجع الوكاله واطلب تعويض او تبديل 

في بطن السيارة مثل الحفره القوية ومعها صوت مسامير
هذا مافهمتها ممكن توضح

لاتخاف نفس المشكله عندي اخوي طلعت له اكورد والحين ماشيه ٤٠ الف والصوت راح

اهم شي اللي يقول عين الرجال يقول لك مطلع اكورد ما قال بوقاتي :)

ان شاء الله انها بسيطه وما فيها شيء

وبالنسبة للي يقولون عين والكلام عام ..يا حبيبي عين على ايش ترا جبتو لنا الوسواس والهلوسة والواحد ينحرم من اشياء عشانكم وكلامكم
لو ابغى اعين ما باتعب نفسي وادور سيارة في الشارع.. لا...على الوكالات واصك امها كلها سيارة سيارة

يارجال انا انسان ماكنت اقتنع في العين لين جاني واحد وخلاني اقتنع كان معي فورد 99 وكنت مغدله جديد حتى والله يوم بعته كل من سألني يقول 2008 او 2006 او 2004 المهم قابلته وتقاومت انا وياه ومعه فورد وموتره زين نظيف وقلتله انا ترا في القومة بطيرك لكن في الخط بتجيبني لانه  عندي تاخير بسيط جدا في الثاني قال اوكي الرجال لاجابني لاخط ولاقومة المهم وقفنا نسولف وقالي مانفقعت الثلاجة عندك لا والله قال انا انفقعت عندي قلتله عادي كل الفورد القديم كذا بس بعد ماتغيرها تضبط معك لان القدسم بلاستك وينكسر والله اني مشيت من عندة مالفيت اللفه الاوهي منفقعها ومشيتها وقلت صدفه بعدها غيرت 14 صوفة قير وغيرت القربة والعمود والارموطة اللي بين العمود وتدخل في القربة واخر شي هبل فيني وخلاني انجن الحرارة اروح للورشة والله مايمدي اشوف ملامح الورشة الا والحرارة نازلة اجي للفني يقولي انت موسس السيارة حتى مومبين انه كانت مرتفعة الحرارة اللي لين امشي من عندة ترتفع ثاني مره ارجع تنزل وقفلت اخلاقي قلت مافيه الاهو رحت له وسلمت علية وقلتله عن الموضوع وقلت الواحد يمكن ينضل نفسه قلت ابيك تذكر الله على السيارة والله ثم والله انه بعد ماتفل على السيارة وذكر الله عليها اني شغلت ومشيت وادعس واجيب طبلون الموتر ورحت علية القصيم والشرقية ولاقال شي وﻻجع موتري مثل ماكان الحمد الله 

رجع مثل ماكان الحمد لله

اللي يقول اكورد مو بوقاتي هالاكورد ماهي حاصله لك ولا لغيرك يابعدي .. بعدين العين حق لو على ددسن