أضف سؤال أو موضوع جديد          

صار لي حادث بسيط و ابي مشورتكم و خبرتكم

up 2 down 1
a.a.77 2843
قبل 8 سنه و 3 شهر



السلام عليكم و رحمه الله و بركاته .. 

اخباركم عساكم بخير 

أنا صارلي حادث بسيط و الله يكفينا وياكم شر الحوادث 
الحمدلله ما كان فيه اضرار قويه و الحمدلله على كل حال 

سؤالي ي اخوان موتري 2013 ما مشى الا 5 الاف جديد و جانا نجم و الخطأ عالطرف الثاني 100 بالمية و عنده تامين و الوضع بالسليم 

لكن يوم جاء نجم و عطانا التقارير و اوراق التصليح و كذا قال تراجع ( تقديرات المرور ) يقدرون الحادث و تراجع التامين ! 
 
سؤالي الحين مو اخر مدري كم موديل تصليح وكاله ؟ 

ليه تقديرات الورش ؟ 

و متى دوام تقديرات المرور اللي بالعروبة بمدينة الرياض ؟ 

و سؤال اخير أنا ان شاء الله ما راح ارش او اسمكر الموتر بعدل و اشفط و اغير المتضرر مثل شمعه و كذا لكن بغيت اسألكم عن ورشة ( كار ماستر ) اللي بالصناعيه القديمة فيه احد مجرب شغلهم لان صراحة شفت فديو لشغلهم و انبهرت ما شاء الله 


( هذا مقطع فديو لشغلهم ابي مشورتكم ي شباب ) 
 http://m.youtube.com/watch?v=_AaWtU_pWco



اسف طولت عليكم ي الغالين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما شاء الله 
لاهنت تعطيني وصف الورشة وين مكانها فيه 
في عندي دقة في الباب كم تاخذ وقت معهم


up 0 down 0
صالح الصالح المصلح ا -39
قبل 8 سنه و 3 شهر



انا صارلي حادث زمان ولابعد كنت صادم صراف وقشعته من الخلف ولحالي المهم جا المرور وعطيته اوراقي والتامين وقلي روح للمرور اول شي ورحت للمرور وخلصت باقي الاوراق من عندهم بعدين وديتها لشركة التامين وشركة التامين عطوني الموافقه ودخلتها الوكاله هذي طريقتهم لكن سياره جديده وتروح الورش تقدر فيها ؟؟ اول مره اسمعها


إذا كان الموديل 13 لك حق التقدير والتصليح في الوكالة ، أما من ناحية التقديرات التابعة للمرور ما ادري عنها 


up 0 down 0
ssv8 1048
قبل 8 سنه و 3 شهر



السلام  عليكم منور اخوي وعاش من شافك  وينك مختفي  فترة 
شفت المقطع انا  وتمنيت لو انه عارض كيف صلح السيارة يعني وقت الشغل 
وفتح الباب وسكره كم مره نشوف الصوت متغير  فيه قربعه 
وبخصصوص التامين مالي علم اخوي كل شوي قوانين وشروط جديدة طالعه لنا وكل شيء فيه تعقيد وومماطله واحتيال ونصب
اسف ما قدرت اخدمك بس حبيت اعلمك على موضوعك وارحب فيك 


up 0 down 0
صوت العزاوي 523
قبل 8 سنه و 3 شهر



ماشاء الله عليك وعلى صبرك أنا واحد صدم سيارتي الجديده قعدت مهموم أسبوع وأفكر كثير بس الحمد لله على قضائه وقدره :)


up 0 down 0
kaboom smash 645
قبل 8 سنه و 3 شهر



اخر سنتين يحق لك تطلب تقدير وكاله او انك تاخذ ورقة التقدير للوكالة دايركت وترجعها لشركة التأمين ويدفعون وهم مايشوفون الدرب :)

الا اذا كانت سيارتك مؤمنة شامل

رح حط السيارة بالوكالة


الو شركة التأمين ,, فضلاً لا أمراً انقلعوا عاينوا السيارة وعطوني الاعتماد باسرع وقت


ويجيك الاعتماد وتبقى مدة التصليح واذا التغطية موسعة عندك راح يعطونك سيارة بديلة وشكرا


up 0 down 0
YASSER505 4174
قبل 8 سنه و 3 شهر



انت ترلوح لمرور ويحولونك على الوكاله لاتشيل هم


up 1 down 0
برتقان -13
قبل 8 سنه و 3 شهر



صالح : هم بالصناعيه القديمة لكن ما عندي وصفهم تقدر تاخذ رقمهم من الفديو و تكلمهم و شرفتني بمرورك 

شاقح : الحمدلله على السلامة ، والله ما ادري عنه و يتكلم من طرف خشمه انا بروح للمرور بااذن الله قريب 

SSV8 : الله يطمنك ي شيخ طمنتني و ريحتني 

صوت العزاوي : و عليكم السلام و رحمه الله و بركاته ، بوجودك ي الغالي ، والله موجودين لكن متابعين بصمت ، هو عارض طريقه التصليح بمقاطع سابقه بقناته تقدر تتفرج عليها ، بالعكس ي الغالي شرفتني بمروررك 

كابوم : كل شي مكتوب و مقدر و كنت مهموم امس وقت الحادث لكن خلاص حديد ويتعوض و العوض بالجنة و ما فيه شي يدوم كلنا بنروح مو بس الحديد 

ياسر 505 : يعني ما اروح لتقديرات المرور ؟ ياخي يوم قال لي شغل وكاله نكد علي لكن الله يريحكم مثل ما ريحتوني ي شيخ ، لا تامين ضد الغير و نسبه الخطا على الطرف الثاني و معه تامين ضد الغير 

برتقان : الله يطمنك. و يريحك ي رجال 


ما قصرتوا كل من رد عالموضوع و يشهد الله ريحتوني الله يريحكم 
بس بسألكم ي شباب المرور متى دوامهم ؟ 


up 0 down 0
a.a.77 2843
قبل 8 سنه و 3 شهر



مافيه تقدير وكاله تروح لتقديرات المرور هذا نظام المرور والتقديرات تقتح الصباح من 8ص الى 12ظ ومن 4ع الى صلاة العشاء واذا السيارة تكلف اكثر من 5000ريال يحولونك لشيخ المعارض طبعا تسعر شغل يد مع قطع الغيار وترجع لمكتب المرور يختم على الاوراق وتروح بعدها للتأمين وماتشوف شر


up 0 down 0
ابوسعد990 369
قبل 8 سنه و 3 شهر



ماتشوف شر يا صديقي aa 77


up 0 down 0
سكودر 14927
قبل 8 سنه و 3 شهر



السلام عليكم اخوي بنسبه لكار مستر ان قد صارلي صدمه على هايلكس غمرتين من شاحنه ومشخ قوي تقريبن ربع الباب الامامي الزبده اني رحتلهم او محل يشبه في الصناعيه القديمه واظاهر انه هو  ذا الاسم وكنت ابغ اسئل عن الشفط قل صدمتك الشفط مايظبط مره  مدري كم فلي النسبه لان جزء منه في الجسر تحت ولي وسط الباب  له اطرف صعب تتصلح مظبوط عن طريق الشفط وغير ذالك قل يصلح بفوق الالف ريال على حسب ما اذكر وعقبه رحت تشليح حاير ولقيت الاسعار غاليه ماجزتلي وديته ورشه تعديل بدون رش بس بويه او سمكره على المشخ  والحمد لله الوضع تمتم ولو ان التعديل يبين


up 0 down 0
نايف مجول القحطاني 376
قبل 8 سنه و 3 شهر



في الضربات القويه ماينفع كار ماستر فقط طقات بدي مبدعين
اما بالضربات عليك بورشه الخبر في النسيم تعديل صدمات احترافي


up 0 down 0
abahal 1385
قبل 8 سنه و 3 شهر