بحسب خبرتكم ماهي الطريقة السليمة للقيادة في المرتفعات والمنح

ضع القير في حالة الطلوع في عقبة مثلا على ٣ عشان ما يستمر التغيير من نمره الى نمره ويسخن عليك القير وترتفع درجة حرارة السياره بشرط انك ما تتعدى السرعه ١٠٠ او الافضل ما تتعدى ٨٠ عشان الحراره
وفي حالة النزول كذلك ضعه في ٣ قبل ما توصل العقبة للمحافظه على القماشات وعشان ما تسخن الهوبات من كثرة الضغط على الفرامل ويهوي معك الموتر ولا تتعدى السرعه ٨٠ عشان ضغط المكينه وحرارة السياره وبحسب العقبة اذا الخط نزول شديد فضع الغيار على ٢ لنفس السبب ولاتتعدى السرعه ٦٠

كلام اخوي حسين الله يحفظه ويطول بعمره كلامه صح وعين الصواب وازود شئ خفيف بسيط وانت تنزل وحاط القير زي ماقالك حسين لاتدعس بنزين نهائيا خلي السياره تهوي نفسها بنفسها لان القير مايتحمل تسرع سرعه عاليه وهو معشق بنمره ضعيفه
موفقين ولكم خالص التحيه

القير العادي ترده نمره من الخامس للرابع اذا كان ٥ تعاشيق وإذا كان ٤ تعاشيق يرده نمره على الثالث

للمعلوميه القير العادي أفضل في الطلوع وفي النزول البعض يفضون القير ينزل أفضل من التعشيق وايضاً في البر أفضل من القير التماتيك

القير تماتيك يصلح للبلد و الزحمة اما العايدي في الطلعات و المنحدرات و البر افضل من التماتيك 

في الطلوع انا احطها 2 ليني يحشر القير اما في النزول على 3 في زي المساكات تمسك الاقمشه فا ما يحتاج كل شوي تدق فرامل السياره من لحالها تثقل لالالالايك ابي انزل موضوع