حكيت بالسيارة

يارجال مدامها مثل كبر ظفرك فما هي مخربه شكل السياره

وعلى قولت الوالده 

مره صدمت بفورد شرالي اياه الوالد في الصدام الخلفي وكانت الضربه مثل الكوره وداخله جوا

وكنت بأصلحها وقالت لي الوالده لا تصلحها

عشان العيّان إذا جاء يحسد يشوف السياره في صدمه وما يحسدها هههههههههههههه

الله يحفظها ويحفظ جميع أمهات المسلمين

ورح لاقرب ورشه و خله ياخذ له اسفنج وينقط لك محل الخدش 

بالتوفيق

هلا و غلا والحمدلله حصل خير .. 

ودامها قدر ظفر الاصبع, ليش تتعب نفسك وترش وفلوس وتاخذ وقت ... 

روح محلات الزينه وفيه عندهم مزيل للحكات طبعا هي انواع , اشتر واحد بـ 10 أو 15 , وحطه مكان الحكه .. 

وجيب قماش صغير وافرك فيه الين ترووح , أو عندك زيت الفرامل , حطه مكان الحكه وأفرك وبتروح بسرعه ان شاء الله .. 

وبعدين رشه بمويه وامسح بشي نظيف عشان الزيت مايبقع طبعا هذا الكلام اذا الحكه ماوصلت جووه , يعني بس لون البويه ظهر .. 

تحياتي لك .. 

لا ترش ولا شي وهذا قدر الله وكل شي مكتوب ودام هي صغيره خلها على حالها 

مادامها صغيرة فلا تهتم كلها مشخ لا هو مؤثر على مكينة ولا قير ولا السيارة بكبرها 

أف 
قد ظفر الأصبع ياخي انساها لا تسوي فيها شي
الله يعطيك خيرها ويكفيك شرها
أصلا الحكه ارحم من الرشة الرش هو إلي يشوه الموتر

بعض الحكات تكون بسيطة تروح مع التلميع تكون خارجيه ماتقشر اللون جررب حتى لو ماراحت تصير اخف

لا ياخوي وين ترشها ههههههههه لمعها وفيه بعض البخاخات تنباع بزينة السياره توخر الحكه وتصير وكاله

جب لك قطعة قطن ، ورش مكان الخدش بعطر (أي عطر بخّاخ) ورش القطن عطر ، وافركها شوي وتروح إن شاء الله

ودعواتك لي

يارجل تحمد الله على السلامه وعساها اخر الحكات وعلى طاري الحكات اذكر مره كنت معزوم على عشا وانا رايح حكيت بسياره حكه خفيفه لا تذكر انا الصراحه فكرت  بالهرب ليس خوفا بس عشان ما أتأخر عن العزيمة وفعلا حطيت رجلي وسيارتي كشف وكنت فاتح السقف والمشكله لابس البشت وصار البشت يقبقب من الهواء تقول خيمه والرجال طاير وراي ومعلق البوري المهم أني ضيعته بالزحمه وفكني الله من شره هذا كله بسبب هالحكه البسيطة فيا إخوان الواحد يتحمد الله على السلامه في كل الأحوال 

يارجل تحمد الله على السلامه
وانت اتوقع لو ما تقول لأحد عنها ماتوقع بيلاحظونها مدام قد الأظفر حسب وصفك
ياطويل العمر انا اخذت فورد اكسبلورر 2010 للسواق جديد والله العظيم في اقل من شهر 3 حكات
المشكله كلها وهو واقف يجي من يبتليه الضعيف 2 من الخلف والثالثه زاويه يمين اماميه
كلها فالصدامات ولله الحمد عشان كذا مافكرت ادخله بوقتها والله العظيم ما كملت شهر من وكالته
وكل ماعزمت بدخله ارش الصدامات هونت متردد ارشها والا لا
الله يبارك لك في سياراتك ولا تشيل هم وانا اخوك
اهم شي اقرأ الاذكار وحصن نفسك والله يكفينا وإياك ومن يقرأ شر من فيه شر

الحمد لله ع السلامه 
بس الحكة شالت البويه وصارت سوداء

ي خي والله أني أحبك يا هنري ههههههههههههه الله يسعد جوك 

يا شباب ليش تعطوه دس لايك ترا يستهبل عشان يضحكنا

والحين بأسوي متابعه لك والله إني أشتقت لمواقفك 

يعطيك خيرها ويكفيك شرها أن شاء الله ياغالي 
وعادي لاتهتم تكفيك من العين أن شاء الله 


هنري فورد ذا سالفه لحاله ههههههههههههههه

هههههههههههههههههههههههههههههه هههههههههههههههههههههههههههههه
هنري فورد
أجل سيارة كشف وبشت طاير 

^^^ تقول خيمة .

بسيطه يارجال دامها بمقدار حجم الاظفر !

وسـع صدرك