اشتري اكورد 2013 ولا افالون 2010 ؟ رايكم يهمني

أخوي العزيز بعطيك النصيحة اللي تجمد على الشارب 
فيه واحد من الشباب كان محتار مثلك افالون 10 أو اكورد 13 وغلط غلطة ندم عليها شهر 
الغلطة هي انه اخذ افالون 10 مستعمل من المعارض ولما استخدمها اسبوع فقط طلع فيها بلاوي كانت مخفية 
وكلفته صيانتها حوالي 11 الف مع تغيير الكفرات .. وأيضا بعد كل هالخسارة السيارة فيها رجة 
اخر شيء باعها وأخذ اكورد 13 اصفار على يده 
لعلمك سعر الأكورد استاندر اخذها ب 84 اصفار من معرض في جدة وأنا كنت معه 
لذلك نصيحتي لك لا تشتري افالون مستعمل الا اذا كنت تعرف صاحبها عز المعرفة وتعرف استخدامه للموتر استخدام حشمة في هالحالة أقول لك الأفالون افضل وراح تخدمك كثير أما اذا بتشتري من المعارض والا من النت فـ 90% فبتكون الأفالون يبيلها صيانة وتغيير ادوات مستهلكة بتكلفك هذا اذا كانت نظيفة 
ايضا اللي يقول لك قطع الأفالون رخيصة هذا يا أنه دراهمه واجد ما شاء الله ما تفرق معه أو انه مهايطي وأعمته الأفالون
الأفالون قطع غيارها غالية مثلها مثل لأكورد 

لذلك انصحك مرة اخرى اذا بتآخذ افالون سوي مثل ماقلت لك أو فر المعارض وأخذ 2012 اصفار 
اذا ماعندك قيمة 12 اصفار أخذ اكورد استاندر 13 والأكورد ممتازه كذلك مايعيبها شيء 
لكن الأفالون أفضل 

الله يبيض وجيهكم ويجمل حالكم..
والله ما قصرتو بعد هالمشاركات الطيبه
اللي ناقصني الحين الاستخاره وجزاكم الله خير