هوندا اكورد 2008

انا عندي الرديتر فيه صدا والمويه في القربه صفرا المهم قلت ابي اغيرو رحة محل رديترات وانصدمت انه موية بلدها وكذا
لكن اقتنعة بكلام العامل 6 شهور والحمد الله الامور طيييبه

موية ميستوبيشي ولون العلبة خضراء واشتر لك علبتين وحطهم بالرديتر بدون اضافة موية مقطرة لأن التركيز 30% ولاتحتاج اضافة موية اخرى

السلام عليكم
هذه افضل ماء راديتر بالتدرج
ماء راديتر مرسيدس
ماء راديتر بريستون
ماء راديتر ميتسوبيشي
ماء راديتر تويوتا

وانا اختلف مع الولد السعودي في هذه النقطه
بعد ما تضع علبه كامله من ماء الراديتر لابد تعوض وتزيد النقص بماء مقطر
في امان الله

ابو كيان لاتختلف ولايحزنون لأتركيز موية ميستوبيشي هو 30 بالمية والمياه اللي ذكرتها انت هي 50 بالمية وتحتاج اضافة موية مقطر لان تركيزها عالي واتحداك على هالكلام

موية صحه وامشي كل سياراتنا ٣ سيارات مويه عاديه وحمدلله 

اخي الولد السعودي بارك الله فيك

لا تتحداني ولا اتحداك
انا صحيح خالفتك لكن مو معناه اني ما احترم وجهه نظرك
هذه تضل وجهه نظرك وانت حر فيها لكن منت ملزوم بالقوه تثبتها وترسخها في اعتقادي او اعتقاد اي احد ثاني
إحنا في منتدى وكلنا نستفيد من تجارب بعض ممكن يجي احد يقول انا جربت ماء اصلي وارتفعت الحراره
ولما غيرت الماء وعبيت من الحنفيه نزلت الحراره ومن احسن ما يكون /// تبغانا نقول وقتها انت كذاب ؟؟؟؟
لا يخوي هذي تجربته ومقتنع فيها هو لكن مو شرط اني اقتنع بتجربته ولازم اعمل بها
وانت شفت المشاكل اللي صارت فالمنتدى قبل فتره كلها اعتقادات من اعضاء الله يصلحهم
ينزل تجربه او موضوع وبالقوه سوو مثلي واسمعوا كلامي والا هذا عنواني تعالوا اطقكم هههههههه
لذلك وانا اخوك سواءً زاد الباقي مقطر او زاده جالون آخر كلها واحد
لكن اللي تغير بوجهه نظري عن وجهه نظرك بدال ما اخسر 80 ريال او 120 ريلا قيمه 3 جالون ماء اصلي
اقدر اختصر الموضوع بجالون واحد بـ 40 ريال و3 حبات ماء مقطر بـ 6 ريال تكفي
اوكرتون ماء مقطر بـ 15 ريال لي وللزمن ونفس النتيجه تطلع معاي
ان شاء الله ماتفهم كلامي على انه انتقاد وفيك الخير والبركه ان شاء الله ونستفيد منك
المعذرة منك اخوي حمزه طلعنا من صلب موضوعك فياليت تعذرنا
وتحياتي للجميع

ابو كيان اللي ابي اوصله لك هو إن أفضل تركيز لأجواءنا الحارة هو أن يكون ثلث تركيز الرديتر ماء مركز وهذا والله العظيم قاريه في كتالوج السيارة ومو من عندي ومجربه واكثر السيارات تأخذ اقل من جالونين وبيلع الجالون من الشركة ب 35 ريال يعني اثنين بسبعين ريال وميزته مايتبخر زي المقطر ويتحمل درجات حرارة عالية وانت مو ملزوم تصدقني او تعمل بكلامي وسلامتك

يعطيكم العافيه ياشباب على ردودكم الحلوه
، بس مانبي مضاربات بينكم

اخيس ماء شفته. موستبيشي. والله. سيء. أنا غيرته في سيارته السنه الي راحت.   يعني كملت معي سنه بدون مشاكل وسيارتي اكوردًً تفاجئت اليوم قلت اشيك على رديتر واحصلها ناقص وقلت اروح اشيك عند حق رديرات قال رديتر حق فيه املاح ويحتاج تسييخ. وفتح غطاء ووراني حصلته نص فتحات مسكره وقلت فكه وسيخه. ويوم فكه. طلع راس كله املاح مسكره بعض الفتحات