بارك الله فيكم نصيحتكم ماهو افضل انواع الزينون للسيارات

ركب (فيلبس) الألماني 35 واط 3000 كلفن سعره بحدود 250 إلى 300 ريال مع التركيب طبعاً , طبعاً هذا سعره رخيص لأنه

تقنيته ألمانية و صناعته صينية !!!! و ممتاز على السيارة ما يخرًب الكهرباء ولا يضعف عزم السيارة , أكثرهم يشتكي من مشاكل

بالكهرباء بعد ما يركًب زينون !!! بس المشكلة مو من الزينون المشكلة من رقم الواط اللي ياخذه بعضهم ياخذ 75 واط 6000 كلفن

طبعاً هذا النوع ما ينفع للسيارات العادية لأنه يستهلك كهرباء أكثر من طاقة السيارة !!! و بالتالي تجيه مشاكل كثيرة و ممكن لا قدرً

الله يسبب إلتماس للسيارة , و زي ما قلت لك ركب 35 واط 3000 كلفن طبعاً بدون تجريح ولا تقطيع أسلاك !!! هو يجي جاهز

مع محولين و ركبه و إن شاء الله تدعي لي , موفق يا الغالي .

الله يوفقك دنيا واخره اخوي بس هل انت مجرب الشي هذا يالغالي

فيه فيلبس الاصلي 35 واط واللمبه 4300 كلفن انصحك فيه وبقوه سعره الان 950 ريال بس عليه نور ماشاء الله تبارك الله برق ههههههه 

بس لا تروح لاي محل وتقول عطني فيلبس الاصلي واللي سعره 950 ترا بعضهم نصابين يعطيك الصيني ويقول سعره 950 قول له ابي فيلبس الاصلي اللي يجي محوله صغيره مو كبير 

وبالله التوفيق

وهذا بتلقاه بطريق العروبه في حي العليا في الرياض اما اذا انت بمدينه ثانيه يفيدونك الاخوان اللي بنفس منطقتك 

إيه أنا مجربه على سيارتي و ممتاز ما شاء الله تبارك الله بس عيبه شي بسيط , يبي تحمية شوي يعني تشغله 10 ثواني و هو يبرق

برق , أما إذا كنت تبي اللي على طول يبرق يبي لك تهز جيبك شوي و مثل ما قال  (كامري قراندي) بحدود 950 بس

حرام تدفع 950 على سيفيك ركب اللي قلت لك عليه ب 300 و 600 ريال حطها بجيبك أو ركب لك شاشة إلخ ... موفق .

إذا تقدر تدفع 1500 تاخذ محولات لكزس مع شمعاتها مع عدسات موريموتو أفضل لك
لك لايك

@# طيب ايش احسن وافضل نوع في التحمية يكشح علطول بدون تحمية

هل 

1-الهيلا الاصلي الالماني 2-الدينسو الفضي الجيل الثاني 3-الدينسو الجيل الثالث الاسود ؟

كلها بركب شمعات اصلية ان شاء الله .


_____________________________________________________

البارح ماسك خط واشوف النور القوي وهو بعيد عني انا قلت يمكن جيب لكزس او في اكس ار واخر شي طلعت السياره اكسنت والله لولا الحياء ان لا اوقفه واقول من وين مركبه اشوف سيارات مركبين زينون لكن مثل راعي الاكسنت ماشفت

تدري ليش زنون الاكسنت الي شفته قوية ؟ لانه عواكس مو عدسه لو تركب فيلبس ابو 150 تشوفه قووووي لانو من دون عدسات
ومعلومه الزنون كلما زاد الواط قل التحميه ابو 75 واط الصيني سعره يتفاوت
بين 400 الا 550 من دون تسخين علا طول يعمي
وانتبهو من بوش يجي مكتوب فيه صناعه المانيه وهي في الحقيقه صيني
البعض منكم اذا جا يشغل الزنون
في البداية تشوف الون يتقلب توشفه اصفر فاتح بعدين ازرق بعدين
ثلجي اعرف انو محولك ما ينفع بريال

"هل تركيب الزينون له سلبيات واضرار"

___لو ركبته علي البطاريه مباشره بواسطه ضفيره و كتاوت بعيد عن ضفيره الوكاله بإذن الله لا يوجد اضرار
اما السلبيات فهي الاستخدام السيء من قبل البعض للزينون لاذيه الناس علي الطريق

"واذا كان تركيب الزينون غير مضر بالسياره ماهي افضل انواع الزينون واقواها واكثرها صبرا"

____افضل الانواع هي الهيلا الالماني القديم الاصلي و سعرالمحولات فقط يتراوح من 700-900 ريال و الدينسو الجيل الاول و سعره مقارب للهيلا و لكنهم غير متوفرين بكثره بالاضافه ان المتوفر منه عمره قصير بطبيعه الحال لان عمر المحول من 7-9 سنوات استخدام.... المحولات السابقه معزوله ضد الماء تشغل اللمبات الاصليه و الصينيه مقاس D2S او
D2R
يأتي بعدهم الدينسو كويتو الجيل الثاني "محولات الجيب لاند كروزر " و الجيل الثالث الاسود "محولات اللكزس" ميزه الجيل الثاني تشغيل اللمبات الاصليه و الصينيه مقاس D2S او D2R و هي المقاس الاكثر انتشار و اقل سعر اما المحولات السوداء فهي الاسرع في التحميه لكن يعيبه ارتفاع سعر اللمبات الخاصه بها و هي مقاس D4S او D4R ...اسعارهم من 650 ريال الي 750 ريال لطقم المحولات بدون لمبات.... المحولات السابقه غير معزوله


____اهم شيء لو عايز اضائه ممتازه للزينون لازم تركب عدسات و انصحك بالعدسات الخطين و لان حجم الشمعات للسيفيك 2007 ضيقه فانصحك بعدسات FX-R سعرها من 600-800 ريال او عدسات موريموتو D2S سعرها من 500-600 ريال و طبعا تحتاج تعديل للشمعات

غير كده ركب صيني بنفس مقاس السياره اوفرلك و لمعرفه السبب في الملاحظات

******ملحوظه شركه فيليبس توقفت عن انتاج محولات الزنون من اواخر التسعينات و لا تنتج الان محولات انما تنتج لمبات فقط فقط فقط....جميع محولات الفيليبس و البوش الموجوده في السوق مقلده صيني حتي لو مكتوب عليها او محفور انها الماني

******المحولات التي تنتجها شركه بوش اسمها ال AL و صناعتها فرنسيه

*****كلما زاد الكالفن عن 4300 قلت الاضائه و اصبح اللون يميل الي الازرق

***** كلما قل الكالفن عن 4200 قلت الاضائه و مال اللون الي الاصفر

***** لا يوجد محولات زينون اصليه قوتها اكثر من 35 واط

*****تركيب الزنون علي شمعات بدون عدسات يفقده اكثرمن 50 % من قوته و يشتت الاضائه و يؤذي الاخرين الا اذا كان شد بل وكاله و استخدام لمبات D2R او D4R المخصصه للشمعات العواكس بدون عدسات مثل اللكزس القديم و الافالون و الاوريون

اتمني اكون افدتك