ياشباب أفيدوني شريت أكور إن شاء الله وين أفحصها

وعليكم السلام ورحمة الله وبركاته
أولاً : الله يوفقك و ييسر لك السياره الي تفيدك لـ دينك و دنياك .

بارك الله فيك
الاكورد سياره عمليه جداً ، وماشاء الله مرغوبه بالسوق و شكلها جداً جميل

لكن أنت كم حاط مبلغ لـ السياره ؟
و هذي بكم لقيتها ؟

لان ممكن يفدونك الاخوان بـ سياره ثانيه بنفس السعر و تكون انظف .

شفلك غيرها افضل

دامها مصدومه اعرف انك بتصلح فيها لان الموتر اذا انصدم خلاص ماعاد يرجع حتى لو تصلحه الوكاله بيصير فيه مشاكل مستقبلاً ابعد عنها نصيحه وترى قطع غياره غالي احس حساب القطع مستقبلاً وموديل السيارة اذا عندك استطاعة عليها خذها ماعندك ابعد نصيحه وشف لك شي نظيف او مصدوم في غير الواجهة

الله يبارك فيك يا بدر ويعطيك العافية
والأخ فيليكس ليه ما تنصحني فيها وش السبب

وبإنتظار باقي الشباب 

يعطيك العافية يا استثنائي بس الصدمة ترى خارجية ما وصلت لشاصي والمحركات

أظافه بسيطه
أكورد 2009 ، مع صديق لي
حصل له حادث ، وراحت عجينه ، قام بـ أصلاح السياره
وكلفته من قطع وكاله لـ شغل يد لـ .. الخ ( 20 الف ريال )
والان ما شاء الله لها سنه من بعد الحادث ، وماراح لا لورشه ولا راح لـ مهندس و من أحسن ما يكون .

الاهم عند التصليح أنك تجيب ( قطع وكاله ) ، مو قطع تجاريه و تستنا منها أنها ماتوديك لورش .

طيب يا شباب يعطيكم العافية 
الفحص وين أفضل مكان أفحصها فيه

يا اخ علشان مصدومه بس والله الاكورد ما يعيبها شي حتى القطع رخيصه 
ترى مافي سياره قطعها رخيصه

يعطيكم العافية جميعاً

لكن شباب الي عنده خبرة وين مكان الفحص يفيدنا

تبي الصراحة الكامري والاكورد من وجهة نظري مافيه فرق في القطع
ياشباب شوفوا الكامري كيف صارت قطعها نار ارتفع كل شيء فيها
تخيلوا بواجي كامري 2007 بـ 175 ريال مع التركيب 10 يعني 185 ريال
بالله اش الفرق بينها وبين الاكورد 
بالكثير الفرق في بعض القطع خاصة الاستهلاكية تلقاها 50 ريال وقطع الاكورد معروفة ركب وانسى 
اما الكامري من جميع قارات العالم لها قطع سير اندنيس فحمات تايلند سيفون تايلند حساسات صيني فلاتر اخرى ماليزي مابقوا
دولة في اسيا الا وفيها قطعة للكامري وياليتها تجمل معك
والله اخذت مساعدات لها ماكملت سنة والسيارة عندي يبيلها 4 مساعدات واروح اسال عنها بقيمة هيدروليك 

ابو عبدالله لو بترك مساعد ركب مساعد ياباني اسمه كي واي بي ياباني قيمه الوحده 180 يابانيه وتخدم وبقوه وفي نوع ثاني افريقي والله ناسي اسمه والناس تمدحه يعيش الاثنين يعيشو بعمر افتراضي يوصل 4سنوات 

بدال ماتشري شي مصدوم بسعر معين
شوف كم سعر اللي مهو مصدوم
وزود شوي وخذ شي بدون صدمه
حتى لو شريت موديل اقدم شوي لوفرق سنه او 2

اخوي عند مركزين للردادي يمكن تفحص فيهم فحص شامل
1- مقابل معارض الدعيثة قيمة الفحص 250 ريال
2- على الدائري الثاني في محطة النسيم الفحص عنده ب 150 ريال

الفحص شامل البدي والمحركات وفحص كمبيوتر لكن ماادري هل فحصهم دقيق ولا لا
ومبروك مقدما

لو هي علي ,, مستحيل أشتري سيارة فيها صدمة وخصوصا بالوجه !!

سيارتي أزيرا جتها ضربة بسيطة بالوجه ,, بس صدام وشبك وحتى الأيرباق ما طلع !!

بعد كم يوم اكتشفت المروحه فيها كسر وتحتاج تغيير والفريون حق المكيف يهرب وكل مواصير الرديتر والمكيف راجعه على ورا شوي  

طبعا كنت موديها عند أحسن ورشة بالصناعية ,, لكن المشاكل الميكانيكية ما تبين الا مع الأستخدام!

لو الحادث ع الباب ولا من ورا ولا وصل الشاصي كان أقولك عادي ,, لكن أي سيارة مصدومة من الوجهية هج عنها نصيحة 

مصدومه ومصلحه ماتدري كيف تصليحها وفوق كذا بدون ايرباق بالله وش تبي تفحص نصيحه ابعد عنها

الله يعطيكم العافية جميعا وما قصرتم 
السيارةفحصتها اليوم المحركات والعضلات والشاصي سليم الحمد لله
طلع فيها لمبت الارباق مولعة لكن الارباق مو طالع  و مو شعال على كلام المهندس (تتوقعون إيش السبب )
 وفيها مساعدات أمامية تحتاج تغييروخرط هوبات أمامية وتغيير إقمشات أمامية وخلفية 
وتحتاج تغيير كفرات (كم التكاليف تقريباً  )
  

رح اسأل في الصناعيه وشف واسمع الشور مني ابعد عنها نصيحه شف لك موتر مصدوم ثاني في غير الواجهة