أضف سؤال أو موضوع جديد          

أبغى اشتري اكورد 2007 محتاج خبرتكم عشاق الاكورد

up 1 down 3
عبدالله الأمير 125
قبل 9 سنه و 6 شهر



السلام عليكم ورحمة الله و بركاته صباح / مساء الخير أخباركم طيبين إن شاء الله شباب بما إني جديد على الاكورد ولا استخدمتها نهائياً لقيت أكورد 2007 4 سلندر سعودي لكن فيه مشاكل معينة أتمنى تفيدوني فيها أول شيء الايرباقات طالعة لكن صاحبها قالي الفحص عليه و قال إنه يضمن القير و المكينة و الشاص وهو يتحمل الفحص لكن البدي في طقات خفيفة فقط .. المشاكل : 1- الدركسون ثقيل مره و صاحب السيارة قالي إنه لي و ما أدري هل هو حساس الدودة ولا لي دركسون . 2- عداد الار بي ام لما اعشق d ينزل إلى 500 دورة و السيارة ترجف كنها بتطفي و كذلك الريوس و فيها رجفة حتى لما يكون القير على p بس ما ينزل عداد الار بي ام . و العكس اليمين الامامي ما أدري كم سعره أتمنى تفيدوني فيه و هل هو قصير ولا طويل مع العلم السيارة 4 سلندر عموما أبي رايكم بالاكورد 2007 و كذلك مشاكلها أو الاشياء اللي تخرب بالموديل هذا بكثرة أنا بشتري السيارة بناءاً على إجاباتكم على الاسئلة ,, سعرها رخيص مقارنة بموديلها 2007 حصلتها بـ 20000 ألف ريال و على الفحص و يتحمله صاحبها يعني لو بحط عليها 2000 ولا 3000 ألاف ريال بضبطها لكن لمبة التشيك والعة ما أدري ليه يمكن من الرجفة او شيء ثانياو كراسي المكينة لكن يبين بالفحص و أنت تنصحني فيها بصراحة سعرها مغري و على الفحص يعني شاص و قير و ماكينة أبي رايك .. و ممشاها 235000 ألف كيلو انتظركم لإني بتواجه مع الرجال اليوم بالليل :: :: :: و لقيت اكورد 2006 على الفحص بدي وكالة لون لؤلؤي لكن الكبوت فيه دقة ورشه كامل و ماشية 400000 ألف كيلو حادها بـ 24500 ألف احس ممشاها مخرب عليها أبي رايكم بالاثنين بالممشى و الموديل و السعر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل هالمشاكل وتبي تاخذها الواحد اذا شرى يشري شي يستاهل 
الاكورد الموديل هذا القطع شوي غالية واكثر خراباتها بالدركسون 


up 2 down 3
شراي جآد 247
قبل 9 سنه و 6 شهر



وعليكم السلام ورحمة الله وبركاته : 
أخوي نصيحه اذا بتشتري موتر اشتر نظيف وريح راسك حتى لو اخذت شي تعبان ورخيص راح يتعبك بالورش وقطع الغيار وشغلها طويله عريضه .. 
دور لك أكورد نظيف حوول الثلاثين وتحت وإن شاء الله تحصل .. 
وإذا لزم الأمر خذ 2006 إذا شايفها نظيفه ومافيها غير دقة الكبووت مايهم ممشاها اهم نظافة القير والماكينه والشاص والداخليه ..
وأفحصها وتأكد إن مافيها خلل وبإذن الله تتوفق , ومبرووك مقدما الله يعطيك خيرها ويكفيك شرها ..   


up 3 down 2
عاشقـ الماركيز 3498
قبل 9 سنه و 6 شهر



مشكورين يا شباب على أرائكم لكن المشكلة ان اللي معاي حدود 20000 ألف و انا شارط عليه أفحصها عند البريدي و الفحص عليه يعني لو طلع مشاكل غير اللي واضحه معاي بقوله الله يستر عليك



أكثر شي مرددني طبعا بعد فحص القير والمكينة و الشاص هو ثقل الدركسون و اللي اعتقد انها مشكله مصنعية بالاكورد لي الدركسون


up 0 down 2
عبدالله الأمير 125
قبل 9 سنه و 6 شهر



والله انا انصحك انك تبعد عنها لانك كل يوم    وانت رايح للصناعية 


up 1 down 0
كوكو888 561
قبل 9 سنه و 6 شهر



الاكورد قطعها غاليه انصحك تبعد عنها وتشوف لك شي نظيف بفلوسك هذي ممكن تجيب لك اكسنت النترا كورلا شي نظيف


up 0 down 3
azam690 86
قبل 9 سنه و 6 شهر



اخوي من واقع تجربة دام بها كل هالمشاكل انحاش عنها. 
اذا بتصلحها يبيلك بالقليل بورشة محترمه ومتخصصه مثل ودشة الجنوب بتكلفك حوالي 5 الاف
بدون اصلاح رجفة المكينة لان يبيلها وزن هواء للمكينة بالوكاله ولا احد يصلحها بالورش .

نصيحة لا تشتريها. بتحصل احسن منها 


up 3 down 0
طلال الشريعبي 221
قبل 9 سنه و 6 شهر



 من عيوب الاكورد هي علبة الدركسون من ايام الشكل
القديم 2000 الى 2012 وهي فيها هذا العيب وحسب ماسمعت سعرها دودة الدركسون 2000 وعليها على العموم خذ شي نظيف 
وعلى الفحص من والى ونت اللي تحدد مكان مركز الفحص مو البائع اللي يحدد.


up 0 down 2
nabill 127
قبل 9 سنه و 6 شهر



الأكورد سيارة رائعة لكن قطعها غالية وإذا ما كانت نظيفة بتتعب معها وبتكرهها بعد فترة


2007 معروض منها نظيف وإن كان غالي بس كل شيء بحقه


up 2 down 0
أبو عبادة 4852
قبل 9 سنه و 6 شهر



شف انت دافع في تصليح دافع ليه تتعب مخك وجسمك زدها وان ماعندك استطاعه شف لك النترا 2010 وتحت بفلوسك وريح مخك وقطع غيار رخيص بعد لانك لاشريت مستعمل طبيعي تصلح وتغير فيه ابعد وترى الصيف مالها داعي تنطق في الصناعيه ايام وتستأجر لك موتر وخساير وقلة حيا


up 0 down 0
استثنائي 790
قبل 9 سنه و 6 شهر



لو خُيّرت انا , لما اخترت احداً منها , 
ولكن ان اُضطررت اختار فيما بينمها : لأخترت ال2006 لان الممشى لايُعيب السياره اذا كانت نظيفه 
غرار ال2007 التي ستضطر على هذه المشاكل التي بها ان تدفع مايُقارب 5 آلآف . 
بالمناسبه امتلك 2007 سياره جيده بوجهِ عام .


up 0 down 0
نواف الحربي 5 87
قبل 9 سنه و 6 شهر