التأجير المنتهي بالتميلك - خيارات

اخوي نصيحه  لوجه الله اقرا عقد عقهم سوا شركه تاجير او بنك لا يضحكو عليك قبل لا تطيح بمشاكل منتهي بتمليك ولا توقع على اروق الى وانت قاريها 

خويي طلع من حاج حسين مازدا زوم  وكان مستعجل ووقع ع الاوراق وطلع مكتوب بعقد ان سياره ماتقدر تتنازل عنها ولزم تدفع دفعه اخيره كاش وويوم رجعها سحبو منه مبلغ 37
الف ومع ايجارات الي طوفها انتبه من نصابين ولا توقع ع شي  قبل لا تقراه  

لاتستعجل ترا الاكورد بيتغير شكلها العام المقبل(2013)

يمكن يتغير الشكل مثل ماذكر كنترول

وبعدين انصحك باخذ قرض شخصي وشراء السياره ( كاااش )

افضل لك والفوائد على ماعتقد اقل

بقولك تجربتي مع ابن الكلب نظام الايجار المنتهي بالتمليك ... كل شهر البنك يدق عليك يمتحنك سدد سدد سدد حتى لو متاخرت .. كل شهرين او ثلاثه لازم تجدد التفويض .. كل ماتتاخر يدفعونك غرامه غير القسط ... السياره مايقدر يسوقها الا انت .. اذا تبي غيرك يسوقها لازم تسوي له تفويض وله شروط طويله عريضه .... اذا بغيت تطلع برى السعوديه لازم تاخذ تفويض سماح من الشركه او البنك .... اذا عليك التزامات لازم تسددها مخالفات او غيره ... لازم تكون منتظم فالسداد واذا عليك متاخرات لازم تسددها ... تاخذ التفويض من عندهم بمده محدده خارج السعوديه ... تروح الغرفه التجاريه وتصف سرى عشان تصدقها ... تاذخ التفويض المصدق وتروح المرور عشان تعطيهم التفويض المصدق ويعطونك ورقه مثل ورقة التميس فيها بياناتك وبيانات الشركه او البنك والفتره اللي بتطلعها كم يوم ... تعال بدري عليك اذا عليك مخالفات فالمرور سدد وازيدك بعد !!!! الشركه او البنك اللي مطلع منهم السياره لو عليهم مخالفات او التزامات او عقود منتهيه يرفضو انك تطلع بالسياره برى السعوديه لازم ترجع للشركه عشان يعدلون مخالفاتهم ....... وازيدك اكثر فيه واحد اعرفه سحبو سيارته لانه متاخر فالسداد ويوم جا يفتش السياره مالقي فيها لاكرت العائله ولا اغراضه !!!!! البنك قالوا مالنا علاقه لازم تسدد المتاخرات والمفقودات فالسياره مالنا علاقه فيها .... راح بيشتكي قالو له ياحبيبي (( انت موقع على عقد واحدى بنوده .. اذا تم سحب السياره في حالة التاخر عن السداد فالبنك يخلي مسؤليته من فقدان اي ممتلكات داخل السياره )) قالو له انت موقع على العقد وراضي فيه يعني انت ورطت نفسك ............. نصيحه اذا انت بتاخذ انصحك تقرى العقد حبه حبه لانهم عارفين انه العميل مايقرى بس يوقع ويدفع ويستلم السياره .... وهم استغلو هذي النقطه وصارو يحطون امور خياليه فالعقد عشانم عارفين محد يقرى ....... تجربتي كانت مع البنك الفرنسي ( شركة سوفينكو الفرنسيه )

فالنهايه تحس انه السياره ماهي لك ولا تقدر تستمتع فيها فصيحه شوري عليك من شور العضو كابرس ال اس خذ قرض واشتر السياره كاش ترى السياره مالها طعم وماتحس فيها الا لمن تكون باسمك وملكك والبنك راح يذلك على سيارته

خذ قرض واشتر السيارة إذا ما عليك قرض.

شاقح بن مشقوح عليك لنبه   والله شركه هذي نصابه درجه اولى شركه سافنكو فرنسيه نصاااااااااااااابين + نصاااااااااااابين  

هم الي كذبوو علينا  ويقنعك  مصري  يخليك توقع ع عقد وانت مغمض   انتبه انتبه   زي ماقالو الاخوان تحس ان سياره ماهي لك كانك مستاجرها 

 نصيحه  خذها كاااااااااااش متى ما طفرت تبيعهاااااااااااااا 

هي ماوقفت على سوفينكو كل الشركات والبنوك واصلا نظام التاجير المتهي بالتمليك مشكوك في امره لانه الواحد يدفع قسط في شي لايملكه !!!

اخوي نصيحه خذ قرض واشترها كااااااااااااش

من جد خذ لك قرض واشتر لك موتر كاشش وموووتر لاجيت تبيعه مايطيح به واجد ووسمعته حلوه بالسوق

والله اللي اعرفة الايجار منتهي بالتمليك غير مجاز شرعا الله اعلم لكن ياخي ريح نفسك البنوك الحين يعطونك قرض وبنسبة ارباح2 بالمئة شي تافهة في هامش الربح انت شوف السيارة اللي تبيها وكم سعرها وروح فر بالبنوك وشوف العروض حقتهم بخصوص القروض واخذ قرض واشتري السيارة كاش باسمك وحر في بالسيارة ووقت ماتضيق عليك الامور المادية تبيعها كاش بيدك وتخلص ضائقتك المادية وتشتري سيارة ثانية بباقي المبلغ خذها نصيحة من مجرب والمثل يقول اسئل مجرب ولاتسئل طبيب

يا اخوان لو استطيع اخذ قرض كان اخذت وارتحت وشريت سياره حديثه ماهو زيرو الاقساط ما راح تتاخر لان راتبي على نفس البنك الي هو الراجحي وبالنسبه للدفعه الاخيره راح ادفعها كاش بدون اني اقسطها لان الراجحي لايقبل تقسيطها من خلال مشاهدتي تنتظم بالسداد حقك محفوظ بالكامل تتاخر تاكل هواء اتمنى من لديه تجربه بالراجحي سواء منتظم بالسداد او لا افادتي بتجربته اشكركم جميعا على تفاعلكم وبيض الله وجيهكم 

لمن ذكر الشكل الجديد اشكركم على نصحكم ولكن لايهمني تغيير الشكل لاني لا افضل اول موديل

السلام عليكم

انا اخذت من نيسان وماكملت معي سنه وتنازلت عنها والله صارت لي مثل الشوكه بالحلق وباخذ قرض وبشتري كاش نصيحه ابعد عن نظام التأجير

والله انا معهم اقسم بالله انهم نصابين وماحترتاح نفسيا وحتحس انك ذليل وحتكره عمرك وسالفتهااااااا سالفة ياخي خذ قرض من البنك واشتريها كاش على الاقل باسمك

معاند هواه دام ظروفك ماتمسح لك انك تطلع قرض          

انصحك تروح لبنك الرياض لان هم اقل نسبه بدون تحويل راتب

بعدين تروح للبنك العربي وكمان كويسين بدون تحويل راتب


ودامك مجبور على الايجار    فخذها قاعده

سدد القسط اول باول لاتتاخر ولاساعه   خلك منتظم    

لانهم يدورون اي غلطه 

ولاتعطي السياره اي احد حتى لو مشاور بسيط    ماتدري يجي واحد سكران او مفحط ويصدم سيارتك مع اللي طلع فيها  وتورط معاهم ويقولون لك تتحمل كل شي    لان السياره مالها صلاحيه في قيادتها الا انت 

فليه تخلي غيرك يسوقها

خلط حذر في هذي الامور وخذ ايجار

ال سوناتا كيف
ولالنترا