أضف سؤال أو موضوع جديد          

ايش أجود أنواع الاكسسوارات التجارية لهوندا أكورد 2007

up 6 down 1
nader2002 1637
قبل 6 سنه و 2 شهر



بارك الله فيكم , أخوي عنده أكورد 2007 ويبي يركب اكسسوارات تدوم معاه ونفس الوقت ترفع قيمة السيارة إذا فكر يبيع, لأن السيارة نظيفة ووكالة وتستاهل والأكسسوارات أسعارها خيالية في الوكالة والقطع المطلوبة هي: جناح وحساسات خلفية وكشافات ضباب وتخشيبة وتنجيد جلد ومسجل كاسيت
فإيش هي الأنواع أو الماركات الجيدة في السوق ولكم جزيل الشكر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب ليه مايمر التشاليح

او تبحث في منتدى هوندا 

تلقى الخبر هناك افضل لك

او احد الاخوان ويجي يفيدك

هذا اللي عندي
بالتوفيق


up 2 down 2
مدرس عاطل 2 43
قبل 6 سنه و 2 شهر



وين احناووين التشاليح مشوار ودايماً يبالغون في الأسعار مثل الوكالات والقطع تلا قيها محروقة من الشمس وإذا على المنتدى فيهم الخير إن شاء الله بس تصدق إني أول مرة ادخل منتدى السيارات!!! عموماً جزاك الله ألف خير


up 2 down 1
nader2002 1637
قبل 6 سنه و 2 شهر



برأيي

الأكورد 2006 و 2007 .. بدون جناح أحلى

مسجل كاسيت .. ماله داعي أبداً !! من اللي يستخدم مسجل كاسيت !!
الناس كلها سيديات جودة الصوت أفضل وأصفى بفرق شاسع جدا عن الكاسيت .. والسيديات رخيصه

التنجيد ما راح يكون مثل الوكاله .. ما أنصحك تتخسر وتسوي تنجيد
والجلد أصلا حار جدا بالصيف وبارد جدا بالشتاء

كشافات ضباب + حساسات خلفيه , حلوه ولكن غير ضروريه




up 2 down 0
speed for ever 3682
قبل 6 سنه و 2 شهر



اذا يبي شيء يدوم .. يركب إكسسوارات أصليه ( كشافات + حساسات خلفيه )

الباقي بصراحه مالها داعي وخسارة فلوس على الفاضي ( جناح + مسجل كاسيت )


up 1 down 0
speed for ever 3682
قبل 6 سنه و 2 شهر



مشكور ياأخوي على رأيك, لكن السيارة فل كامل وممشاها 110 ألف كيلو فقط واللون أسود [ملكي] وهذي الإضافات تعطيها مظهر روعة على روعة وبصراحة نبي نقهر كل اللي كانوا يتريقون علينا لأن الوالد كان معاه جيب باترول موديل 80 ولا هو راضي يبيعه وإذا على الكاسيت محتاجه ضروري لأن عندنا أكثر من 100 شريط من الذكريات لنا وحنا صغار ولأبو بكر سالم على فيروزعلى محاضرات والسيدي ماراح يدوم [يخرب من أول مطب]


up 2 down 1
nader2002 1637
قبل 6 سنه و 2 شهر



المشكلة إن الإكسسوارات الأصلية ما تلقاها إلا في الوكالة يعني ماراح تلقاها في محلات قطع الغيار والوكالة معروفين بعدم الرحمة في الأسعار وإذا جينا نحسب فقط القطع اللي نصحنا فيها الأخ سبيد مشكوراً : كشافات ضباب1200ريال + حساسات خلفية 3500 ريال = 4700 ريال!!! والله كثيرة ياأخوان


up 1 down 1
nader2002 1637
قبل 6 سنه و 2 شهر



Speed for ever اعطاك الزبده

انا اشوف بدون جناح احلى والمسجل ماشالله 6 سيديهات مسجلها وكاله لييه الكاسيت ؟

الكشافات انا جربتها ركبت من الزينه ماطولت فتره تتكسر ويتغير لونها الحين بدون كشافات واشوفها احلى 

المقاعد الجلد اذا ماهي شد بلد راح تتقشر عليك بعد فتره

الاكورد ماشالله حلاوتها شد بلد اهم شي لمعها وحافظ عليها ميكانيكيا احسن من الاكسسوارات 

سيارتي الحمدلله 2007 شد بلد مافكر اركب لها شي ابد 
وجهة نظر ...


up 3 down 0
العسيري112 700
قبل 6 سنه و 2 شهر



وجهة نظرك أخوي العسيري مقبولة ومشكور عليها, لكن 6 سيديهات +الكاسيت =زيادة الخير خيرين بالإضافة إن السيدي دايم يخرب كل ما أشتري جديد, واحد قالي بسبب المطبات يتأثر في أي سيارة وبعدين تصدق إن معاي أشرطة كاسيت أكثرها شغالة لها 30 سنة!!!!


up 2 down 1
nader2002 1637
قبل 6 سنه و 2 شهر



قصدك اللي يخرب شريط السي دي ولا المسجل نفسه ؟؟

.
حلوه الذكريات والله ترجعك لايام زمان عشتها وتذكرك بناس زماااان ماشفتهم وتشتاق لهم 
بس اتوقع لو تاخذها للسياره بعد شهر بتضيع نصها 


up 0 down 0
العسيري112 700
قبل 6 سنه و 2 شهر



قصدك اللي يخرب شريط السي دي ولا المسجل نفسه ؟؟

.
حلوه الذكريات والله ترجعك لايام زمان عشتها وتذكرك بناس زماااان ماشفتهم وتشتاق لهم 
بس اتوقع لو تاخذها للسياره بعد شهر بتضيع نصها 


up 0 down 0
العسيري112 700
قبل 6 سنه و 2 شهر



قصدي شريط السي دي مو المسجل وبعدين مكان مسجل الكاسيت تحت يعني مكان الدرج, وصحيح حلوة الذكريات, بس مافهمت قصدك؟



:لو تاخذها للسيارة بعد شهر بتضيع نصها؟؟




up 0 down 0
nader2002 1637
قبل 6 سنه و 2 شهر



تصدق انا شريت سيارتي جاء معاها جناح وكاسيت وكشافات طبعا كله بالشنطة انا ركبت المسجل عندهم بسس والجناح ماحبيته ولا حطيته يخرب الشنطة خليته بالبيت وبعدين عطيته واحد من الشباب ولا لوعندي عطيتكياه


up 1 down 0
talal abdullah 5415
قبل 6 سنه و 2 شهر



قصدي كل ماجا واحد اخذله شريط هههههههه ..


up 0 down 0
العسيري112 700
قبل 6 سنه و 2 شهر



والله ياأخوي طلال لو خليته معاك كان عطيتك اللي تبي بالمعقول طبعاً, وياأخوي العسيري حلو والله كل ماجا واحد أخذ له شريط,لو موجود في السوق مو مشكلة لكن لو كان أثري يعني قديم والله ماأحد ياخذ إلا على جثتي أو جثة أخوي ههههههها ,, نوع من الدعابة لا أكثر


up 0 down 0
nader2002 1637
قبل 6 سنه و 2 شهر



الـ CD ما يخرب إلا من الخدوش أو الشمس

اذا تبي تحافظ على السيديات اشتر حافظه للسيديات + علبة سيديات أصليه

وتقدر تصلح سيدي على كيفك بالكمبيوتر ( اناشيد - قصائد - اغاني - الخ ... ) تختلف من شخص لشخص

بعد ما تنتهي من الكمبيوتر اكتب على الـ CD مثلا أسم المغني أو أسم المنشد أو الخ ... عشان تعرفه

حمل ملفات صوتيه MP3 جودتها عاليه ثم استخدم برنامج نيرو أو أي برنامج لإنشاء سيديات Audio CD

اذا عدسة سي دي الكمبيوتر عندك فيها مشكله .. السيديات بتكون ملخبطه




up 0 down 0
speed for ever 3682
قبل 6 سنه و 2 شهر



فيه قطعه تقدر تركبها للأكورد
مسجل الأكورد فيه منفذ AUX

ابحث بالانترنت واليوتيوب عن وصلة الأيبود والأيفون للأكورد



up 0 down 0
speed for ever 3682
قبل 6 سنه و 2 شهر



مشكور أخوي speed for ever وجزاك الله ألف خير وآسف على الرد المتأخر


up 0 down 0
nader2002 1637
قبل 6 سنه و شهر