نصائحكم لسياره مستعمله

وديها المغسله ونظفها اول شي
لانك اذا نظفتها تحس السياره وكاله نظيفه تتغير نفسيتك نحو السياره

لو كل شي فيها سليم من زيوت وغيرها فما يحتاج تغير

زي ما قال اخوي موستنج

مثل ما قالوا الاخوان ، شيك على الكفرات وزيوت السياره بصفه عامه المكينه + القير + الدفرنس + زيت الفرامل + زيت
الدركسون + وموية الرديتر وكذلك سيور السياره سير المكينة او المروحه 

^^
كل النقاط هذي ماتاخذ منك نص ساعه عند البنشري وبالتوفيق

شيك على السياره من والى من العضلات والزيوت والسيور والمكينه والقير
والشاصي...لأن اذا هو منعطج الله يعينك
وتوديها المغسله سو له غسيل او وده محل التلميع
ومبرووووك مقدمــــــا..............!

إذا سياره توك شاريها ومستعمله فمن المستحسن متابعتها بالأسبوعين الأولين ومتابعت نقص الزيت إن وجد والتهريبات والحراره

لأن المعروف يحصل تلاعب من بعض أصحابها الأولين مثل يكون وضع زيت ستوب لتقليل صرفيت الزيت أو وضع معجون 

مؤقت لوقف التهريبات ولايبان العيوب إلا بعد مضي إسبوع أو أسبوعين من شرائها هذا إذا حصل فيها تلاعب وماعدا ذلك إن شاءالله

تكون سياره سليمه وموفق بالإختيار 

على حسب الموديل والممشى وبالنسبة لي اغير الزيت والفلاتر والفحمات والسير والبواجي علشان ارتاح مستقبلا وتكون السيارة جاهزة للمشاوير والسفريات

يشيك الحرارة -زيت المحرك -زيت القير -تبريد المكيف-عزم السيارة -زيت الدركسون -ماء الرديتر-التاكد من عدم وجود تهريب زيوت او ماء

اهم شي يشيك الحرارة والزيوت

شيك عليها بالكامل غير الزيت والفلتر وزيت القير اذا اتماتك مع الفلتر افحص الكفرات والاقمشه الامامية والخلفيه شيك على الرديتر ومويته افحص سير المكينه تغير البواجي كل هالشغلات مهمه واساسيه خصوصأ اذا السياره على قولتك مستعمله تحتاج تغير ما تدرى وش كان راعيها الى من قبل يهتم فيها ولا لا

مشكورين ... ما قصرتو 

لو أنا مكانك

اذا عندك فلوس زائده وتبي تتطمن ويرتاح بالك وتحافظ عليها + ما راح تبيع السياره يعني راح تستخدمها استخدام شخصي لمده طويله جدا

تغيير ( بواجي Spark plugs + فلتر هواء + فلتر بنزين + تغيير زيت المكينه مع تغيير فلتر زيت المكينه + تغيير زيت القير الأوتوماتيكي مع الفلتر + فحص الفحمات ) عشان تحصل على افضل أداء من سيارتك

اذا على قد حالك وأهم شيء السياره تمشيك

افحص ( مستوى وحالة ولون زيت المكينه وزيت القير + ماء الراديتر اذا كان ناقص تعبيه إلى الـ MAX لا يتعداها + فحمات الفرامل )

لازم الزيوت والسوائل ما تكون أقل من الحد الأدنى LOW ولا تزيد عن الحد الأعلى MAX


(( زيت الدركسون يفضل يكون بين الحد الأدنى والحد الأعلى يعني بالوسط بينهم
مهم جدا لا تستخدم إلا زيت دركسون الوكاله .. وإلا راح يصير عندك تهريب زيت دركسون ))

بواجي = شمعات الإحتراق = Spark plugs

تغيير ماء الراديتر اذا سيارتك ماشيه 150 ألف أو أكثر + يحتاج خبره ولا تستخدم إلا الأصلي ( موجود عند الوكاله )

ولا تنسى تنظيف فلتر المكيف مع كل تغييرة زيت مكينه
عشان يكون هواء المكيف نظيف ونقي و قوي

وتنظيف فلتر هواء المكينه مع كل تغييرة زيت مكينه