أضف سؤال أو موضوع جديد          

تجاربكم عن رفع قوة الماكينة

up 3 down 2
talal abdullah 5421
قبل 7 سنه و 11 شهر



السلام عليكم ورحمة الله وبركاته...لجميع الاخوان الاعضاء ((:

انا ودي ازيد عزم الموتر لو شي بسيط بشكل مايأثر على الماكينة واجزائها ودون برمجة وشغلانه ...
ياليت من الاخوان هواة التعديل يفيدونا ومشكوريــن مقــدمــا (:







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخف انواع التعديل وانا اخوك واقلها ضررا هي الهوائيات...فلتر رياضي وهدرز واقزوز رياضي .... طبعا الضرر

حيكون في تراكم التراب والغبار في البخاخات بسرعه ... بس يعطيك عزم لا باس به وحتحس بالفرق....

ماانصحك بالتيربو والسوبر تشارج والامور ذي .... في ناس يركبو بواجي رياضيه ويغيرو رووس المكينه 

وو وو ....بس والله ضررها شي ماله اول ولا اخر ... ممكن تغير الكلتش لو كانت السياره عايدي ..


up 3 down 0
roro212 1420
قبل 7 سنه و 11 شهر



انا انصحك مثل ماقال اخوي رورو..
فلتر..وهدرز..ويفرق العزم ان شاء الله..

وتقدر تخليه بدون صوت بتركيب دبات كاتمه..

يطلع نفس صوت الوكالة كانك ماركبت شي..


up 2 down 1
feasl 228
قبل 7 سنه و 11 شهر



والله يا اخي اذا تبي تحافظ على السياره وتدوم معك .. حافظ عليها

واذا تبي تحسن العزم .. غيّر ( فلتر هواء أصلي وكاله + فلتر البنزين أصلي وكاله + بواجي NGK أصليه وكاله + تنظيف بخاخات + اذا كانت السياره قير أوتوماتيك غيرّ زيت القير وفلتر الزيت الخارجي + تغيير زيت المكينه والسيفون أصلي وكاله )

و ضغط الكفرات أفضل شيء على 30 أو 32 بالكثير .. لا تستهين بضغط هواء الكفرات لأن له تأثير على صرفية البنزين وخفة أو ثقل الدركسون وكل شيء

فلتر الهواء الرياضي يزيد أحتمال دخول الغبار وغيرها إلى داخل المكينه .. ممكن يسبب لك خدوش ومشاكل داخل السلندرويأثر على الشنابر بسبب الغبار

والهدرز والخ ... يقولون أنه يخلي السيارات تحرق زيت << ما عمري جربت هدرز


بالنسبه لتنظيف البخاخات .. فيه طريقتين .. غاليه ورخيصه

الغاليه شغلتها شغله .. تروح للوكاله أو بترومين أو الخ ...

الرخيصه .. تشتري محلول تنظيف بخاخات أمريكي أصلي من ساكو وتصبه بتانكي البنزين اذا قرّب يفضى وتعبي فل

ودائما اذا جيت تعبي بنزين طف السياره .. لأن أثناء تعبئة البنزين تتحرك الشوائب والأوساخ اللي بقاع تانكي البنزين .. ويدخل بفلتر البنزين ثم طرمبة البنزين ثم مجاري وخطوط البنزين ثم البخاخات ثم المكينه

اذا انتهيت من تعبئة البنزين صفّر عداد البنزين وشغّل السياره

انا أول ما غيرت فلتر البنزين حسيت بفرق بالعزم .. لكن يوم صرت ما أعبي بنزين إلا اذا قرب يفضى تانكي البنزين ( تولع لمبة البنزين وحول تطفى السياره )

حاول ان البنزين ما يقل عن النصف أو الربع .. لأنه اذا كان البنزين قليل .. السياره بتضطر تشفط البنزين والأوساخ اللي بقاع تانكي البنزين




up 4 down 0
speed for ever 3707
قبل 7 سنه و 11 شهر



اذا كنت تستخدم 91 .. جرّب 95
أو العكس




up 1 down 0
speed for ever 3707
قبل 7 سنه و 11 شهر



** تصحيح **

انا أول ما غيرت فلتر البنزين حسيت بفرق بالعزم .. لكن يوم صرت ما أعبي بنزين إلا اذا قرب يفضى تانكي البنزين ( تولع لمبة البنزين وحول تطفى السياره ) *** قل العزم شوي ***

لأن الأوساخ اللي بقاع التانكي تسد الفلتر وتأثر على الطرمبه و البخاخات وغيرها


up 0 down 0
speed for ever 3707
قبل 7 سنه و 11 شهر



ركب  جهاز  منظم الكهرباء لرفع الفولت العام وتحسين  اداء السيارة   تحس بفرق  


up 0 down 0
abd_alrhmn 2352
قبل 7 سنه و 11 شهر